అక్షరటుడే, వెబ్డెస్క్ : IPL 2026 schedule | దేశంలో మరో రెండు రోజుల్లో ఐపీఎల్ సందడి మొదలు కానుంది. తొలి మ్యాచ్లో సన్రైజర్స్ హైదరాబాద్ (SRH), ఆర్సీబీ (RCB) జట్లు తలపడనున్నాయి. తాజాగా బీసీసీఐ ఐపీఎల్ పూర్తి షెడ్యూల్ (IPL Shedule)ను విడుదల చేసింది.
ఫోర్లు, సిక్స్లు, వికెట్లు.. ఉత్కంఠరేపే మ్యాచ్లో ఇండియన్ ప్రీమియర్ లీగ్ ప్రేక్షకులను సందడి చేయనుంది. ఈ క్రమంలో బీసీసీఐ తాజాగా రెండో విడత షెడ్యూల్ను విడుదల చేసింది. ఏప్రిల్ 13 నుంచి మే 24 వరకు 50 మ్యాచ్లు జరగనున్నాయి. రెండో షెడ్యూల్లో 12 వేదికల్లో మొత్తం 50 మ్యాచ్లు నిర్వహించనున్నారు. బెంగళూరు, ముంబై, చెన్నై, కోల్కతా, ఢిల్లీ, అహ్మదాబాద్, హైదరాబాద్, లక్నో, జైపూర్, ధర్మశాల, రాయ్పూర్, చండీగఢ్లో జరుగుతాయి.
IPL 2026 schedule | 70 మ్యాచ్లు
ఐపీఎల్ 2026 సీజన్ టోర్నమెంట్ 19వ ఎడిషన్. ఈ సీజన్లో లీగ్ దశలో మొత్తం 70 మ్యాచ్లు నిర్వహించనున్నారు. అందుకు సంబంధించిన వివరాలను బీసీసీఐ విడుదల చేసింది. ఈ నెల 28 నుంచి మ్యాచ్లు ప్రారంభం కానున్నాయి. తొలి మ్యాచ్లో బెంగళూరు (RCB), హైదరాబాద్ (SRH) జట్లు తలపడనున్నాయి. ఏప్రిల్ 12 వరకు మ్యాచ్ల షెడ్యూల్ను బీసీసీఐ గతంలోనే విడుదల చేసింది. పలు రాష్ట్రాల్లో ఎన్నికలు ఉండటంతో.. నోటిఫికేషన్ వచ్చాక రెండో విడత షెడ్యూల్ విడుదల చేస్తామని తెలిపింది. ఈ మేరకు తాజాగా పూర్తి వివరాలు వెల్లడించింది. ఏప్రిల్ 13 నుంచి రెండో దశ ప్రారంభం కానుంది. ప్లే ఆఫ్స్, ఫైనల్ మ్యాచ్ల తేదీలు, వేదికలను బీసీసీఐ త్వరలో ప్రకటించే అవకాశం ఉంది.
దీనిని కూడా చదవండి: RCB Sale Deal | ఐపీఎల్ చరిత్రలో అతిపెద్ద డీల్.. భారీ ధరకు దక్కించుకున్న బిర్లా-టైమ్స్ గ్రూప్
