అక్షరటుడే, వెబ్డెస్క్: UAE Heavy Rains | యునైటెడ్ అరబ్ ఎమిరేట్స్ (యూఏఈ)లో వర్షం బీభత్సం సృష్టించింది. దుబాయ్ (Dubai) సహా చాలా ప్రాంతాల్లో గురువారం రాత్రి నుంచి శుక్రవారం తెల్లవారుజాము వరకు ఉరుములు, మెరుపులతో కూడిన భారీ వర్షాలు కురిశాయి. అబుదాబి, షార్జా తదితర ప్రాంతాల్లో భారీ వాన పడింది. దీంతో ప్రజలు ఇబ్బందులు పడ్డారు.
వాతావరణంలో మార్పులతో దుమ్ము రేపే గాలులు లేచాయి. దీంతో విజిబిలిటీ తగ్గింది. అధికారులు దేశవ్యాప్తంగా అత్యవసర చర్యలను ప్రారంభించి, భద్రతా హెచ్చరికలను జారీ చేశారు. వర్షాల ఎఫెక్ట్తో బస్సుల రాకపోకలకు అంతరాయం కలుగుతుందని దుబాయ్ ఆర్టీఏ హెచ్చరించింది. దుబాయ్ యువరాజు, ఉప ప్రధాన మంత్రి, యూఏఈ రక్షణ మంత్రి అయిన షేక్ హమ్దాన్ బిన్ మహమ్మద్ బిన్ రషీద్ అల్ మక్తూమ్ బుర్జ్ అల్ అరబ్పై మెరుపు ఫొటోను పంచుకున్నారు.
UAE Heavy Rains | డెలివరీ సేవలకు అంతరాయం
యూఏఈ వ్యాప్తంగా కురుస్తున్న భారీ వర్షాలు, ఉరుములతో కూడిన తుఫానుల (Cyclone) కారణంగా డెలివరీ సేవలకు అంతరాయం కలిగింది. ఇప్పటికే యుద్ధ ప్రభావంతో దుబాయ్లో పర్యాటకుల సంఖ్య తగ్గింది. తాజా వర్షాలతో యాప్లలో రెస్టారెంట్లు తక్కువగా కనిపించడం, తాత్కాలిక మూసివేతలు, ఎక్కువ నిరీక్షణ సమయాలు నమోదవుతున్నాయి.
UAE Heavy Rains | అధికారుల చర్యలు
దుబాయ్లో భారీ వర్షాలు (Heavy Rains) కురుస్తుండటంతో రోడ్లు, రవాణా అథారిటీ (ఆర్టీఏ) 24 గంటలూ వాతావరణ పరిస్థితులను పర్యవేక్షిస్తోంది. వర్షపు నీరు నిల్వకుండా అధికారులు చర్యలు చేపట్టారు. జాతీయ వాతావరణ కేంద్రం యూఏఈ అంతటా పసుపు, నారింజ హెచ్చరికలను జారీ చేసింది
#uae #heavyrains… pic.twitter.com/PSYU5eUP2W
— Akshara Today (@aksharatoday) March 27, 2026
ఇది కూడా చదవండి : Hormuz Indian Ships | ఇరాన్ గుడ్న్యూస్.. హర్ముజ్ నుంచి భారత నౌకలకు అనుమతి
