అక్షరటుడే, వెబ్డెస్క్: Illegal Mining Action | హైదరాబాద్ (Hyderabad) నడిబొడ్డున రాఘవ కన్స్ట్రక్షన్స్ సంస్థ ఇల్లీగల్ మైనింగ్ చేస్తుందని మాజీ మంత్రి హరీశ్రావు అన్నారు. ఆయన శనివారం అసెంబ్లీలో మాట్లాడారు.
శంషాబాద్ మండలం కొత్వాల్గూడ గ్రామం సర్వే నంబర్ 62, 63లో రాఘవ కన్స్ట్రక్షన్స్ (Raghava Constructions) భారీ స్టోన్ క్రషర్ డీజిల్ జనరేటర్లపై నడుపుతుందన్నారు. దానికి ఎలాంటి ప్రభుత్వ అనుమతులు లేవని పేర్కొన్నారు. 22–05–2025 నాడు రెవెన్యూ డిపార్ట్మెంట్, పొల్యూషన్ కంట్రోల్ బోర్డు, ఎస్పీడీసీఎల్, మైనింగ్ శాఖ కలిసి రాఘవ కన్స్ట్రక్షన్స్ క్రషర్ సంస్థను తనిఖీ చేసి, అవసరమైన డాక్యుమెంట్లను ప్రవేశపెట్టమని షోకాజ్ నోటీసులు (Show-cause Notices) ఇచ్చినట్లు గుర్తు చేశారు. కానీ సందరు సంస్థ ఎలాంటి ఆధారాలు ప్రవేశపెట్టలేదని, నోటీసులకు రిప్లై కూడా ఇవ్వలేదన్నారు.
Illegal Mining Action | లేఖ రాసినా..
రాఘవ కన్స్ట్రక్షన్స్ అక్రమ మైనింగ్ చేస్తూ ప్రభుత్వ ఖజానాకు గండి కొడుతుందని ప్రభుత్వానికి, తెలంగాణ పొల్యూషన్ బోర్డు (Telangana Pollution Board) కు అధికారులు లేఖ రాశారని హరీశ్రావు అన్నారు. టెక్నికల్ టీమ్ మార్చి 4న మరోసారి క్వారీని సందర్శించి మార్చి 13న షోకాజ్ నోటీస్ ఇచ్చిందన్నారు. సదరు సంస్థపై యాక్షన్ తీసుకోవాలని పొల్యూషన్ కంట్రోల్ బోర్డుకు మైనింగ్ శాఖ (Department of Mining) లేఖ రాసిందన్నారు. అయినా ప్రభుత్వం ఎందుకు చర్యలు చేపట్టడం లేదని ప్రశ్నించారు.
Illegal Mining Action | పొంగులేటి సంస్థ
రాఘవ కన్స్ట్రక్షన్స్ సంస్థ మంత్రి పొంగులేటి శ్రీనివాస రెడ్డి (Minister Ponguleti Srinivas Reddy) కుమారుడిది. ఎమ్మెల్యే గూడెం మహిపాల్ రెడ్డి స్టోన్ క్రషర్లో చిన్న తప్పు జరిగిందని ఆయన సోదరుడిని రాత్రికి రాత్రి అరెస్ట్ చేసి నెల రోజులు జైల్లో పెట్టారని హరీశ్రావు అన్నారు. అతన్ని అరెస్ట్ చేసినప్పుడు, పొంగులేటి సంస్థ మీద ఎందుకు చర్యలు తీసుకోలేదన్నారు. ప్రతిపక్షానికి ఒక న్యాయం, అధికార పక్షానికి ఒక న్యాయం ఉంటుందా అని ప్రశ్నించారు.
ఇది కూడా చదవండి..: Hyderabad Water Crisis | హైదరాబాద్లో నీటి కష్టాలు.. ప్రైవేట్ ట్యాంకర్ల దోపిడీ
