అక్షరటుడే, వెబ్డెస్క్ : Illegal Bakery | హైదరాబాద్ (Hyderabad) నగరంలో కల్తీ మాఫియాపై పోలీసులు కఠిన చర్యలు చేపడుతున్నారు. నిత్యం తనిఖీలు చేస్తూ వారి ఆటలు కట్టిస్తున్నారు. కల్తీ ఆహార పదార్థాలను అరికట్టడానికి ప్రత్యేకంగా హెచ్-ఫాస్ట్ (H-Fast) పేరిట విభాగాన్ని ఏర్పాటు చేశారు. ఈ విభాగం అధికారులు, టాస్క్ఫోర్స్ పోలీసులు, ఫుడ్ సేఫ్టీ అధికారులతో సోదాలు చేపడుతున్నారు.
గోల్కొండ జోన్ టాస్క్ ఫోర్స్ (Taskforce) పోలీసులు, గుడిమల్కాపూర్ పోలీసులతో కలిసి హైదరాబాద్లోని KD కాలనీలో అక్రమంగా నడుస్తున్న ఒక బేకరీ తయారీ కేంద్రంపై శనివారం దాడి చేశారు. లైసెన్సు లేకుండా, పూర్తిగా అపరిశుభ్ర వాతావరణంలో బేకరీ ఉత్పత్తులను తయారు చేస్తున్నందుకు అహ్మద్ రజా (46) అనే వ్యక్తిని అరెస్టు చేశారు.
Illegal Bakery | సామగ్రి స్వాధీనం
అధికారులు భారీ మొత్తంలో ముడి పదార్థాలు, తయారైన బేకరీ ఉత్పత్తులు (బిస్కెట్లు, బన్స్, రస్క్ వంటివి), అలాగే యంత్రాలను స్వాధీనం చేసుకున్నారు. స్వాధీనం చేసుకున్న ఈ వస్తువుల మొత్తం విలువ రూ.12.5 లక్షలుగా ఉంటుంది. నిందితుడు సురక్షితం కాని ఈ ఉత్పత్తులను స్థానిక దుకాణాలు, కేఫ్లు, హోటళ్లకు సరఫరా చేస్తూ, ప్రజారోగ్యానికి తీవ్ర ముప్పు కలిగిస్తున్నాడని పోలీసులు తెలిపారు.
దీనిని కూడా చదవండి : Hyderabad Water Crisis | హైదరాబాద్లో నీటి కష్టాలు.. ప్రైవేట్ ట్యాంకర్ల దోపిడీ
