అక్షరటుడే, వెబ్డెస్క్ : Mahipal Reddy BRS | పటాన్చెరు ఎమ్మెల్యే (Patancheru MLA) గూడెం మహిపాల్రెడ్డి తిరిగి బీఆర్ఎస్ (BRS)లోకి వచ్చినట్లేనని రాజకీయ వర్గాల్లో చర్చ జరుగుతోంది. శనివారం అసెంబ్లీలో ఆయన తమ పార్టీ సభ్యుడిగా హరీశ్రావు ప్రస్తావించడం గమనార్హం.
మహిపాల్రెడ్డి బీఆర్ఎస్ నుంచి ఎమ్మెల్యేగా గెలుపొందారు. అనంతరం ఆయన కాంగ్రెస్ (Congress) కండూవా కప్పుకున్నారు. అయితే పార్టీ చేరిన నాటి నుంచి మహిపాల్రెడ్డి అసంతృప్తితో ఉన్నారు. ఈ క్రమంలో ఇటీవల జరిగిన మున్సిపల్ ఎన్నికల్లో బీఆర్ఎస్కు ఓటు వేయాలను ప్రజలను కోరారు. తన నియోజకవర్గం పరిధిలోని ఐదు మున్సిపాలిటీల్లో బీఆర్ఎస్ను ఆయన గెలిపించారు. దీంతో త్వరలో కేసీఆర్ సమక్షంలో ఆయన సొంత గూటికి చేరుతారని ప్రచారం జరిగింది. అయితే తాజాగా ఆయనను బీఆర్ఎస్ ఎమ్మెల్యేగా మాజీ మంత్రి హరీశ్రావు సభలో పేర్కొనడం ప్రాధాన్యత సంతరించుకుంది.
Mahipal Reddy BRS | హరీశ్రావుతో సంబంధాలు
ఎమ్మెల్యే మహిపాల్ రెడ్డి మళ్లీ బీఆర్ఎస్ కీలక నేతలు హరీష్ రావు, కేటీఆర్ (KTR)తో సన్నిహితంగా ఉంటూ వస్తున్నారు. ఈ క్రమంలో ఆయన తిరిగి పార్టీలో చేరినట్లేనని అంతా భావించారు. స్పీకర్ ఇటీవల 10 మంది ఎమ్మెల్యేలపై అనర్హత పిటిషన్లను కొట్టి వేసిన విషయం తెలిసిందే. ఇందులో 9 మందిపై మాత్రమే బీఆర్ఎస్ హైకోర్టును ఆశ్రయించింది. మహిపాల్రెడ్డిపై పిటిషన్ వేయలేదు. దీంతో ఆయన గులాబీ గూటిలో ఉన్నట్లేనని చర్చ జరుగుతోంది. అసెంబ్లీలో మైనింగ్పై చర్చ సందర్భంగా ఎమ్మెల్యే మహిపాల్ రెడ్డిని… హరీష్ రావు వెనకేసుకు రావటం, ప్రతిపక్ష ఎమ్మెల్యేగా సంబోధించటంతో ఆయన సొంతగూటికి చేరినట్లేనని అధికారికంగా ధృవీకరించినట్లైంది.
దీనిని కూడా చదవండి : Telangana Inter Results | ఇంటర్ ఫలితాలపై కీలక అప్డేట్
