అక్షరటుడే, వెబ్డెస్క్: March 29 Horoscope | గ్రహాల సంచారం ద్వాదశ రాశులపై నేడు (ఆదివారం, మార్చి 29) మిశ్రమ ప్రభావాన్ని చూపుతోంది. ముఖ్యంగా కొన్ని రాశుల వారిలో కోపం, ఆవేశం పెరిగే అవకాశం ఉంది. ఇలాంటి కరుకు స్వభావం వల్ల స్నేహితులు లేదా ఆత్మీయులతో విభేదాలు రావచ్చు, కాబట్టి మాట తీరుపై నియంత్రణ అవసరం.
మరోవైపు, కొందరికి ఆధ్యాత్మిక చింతన పెరగడమే కాకుండా, పాత విషయాల పట్ల వైరాగ్యం లేదా అయోమయం ఏర్పడవచ్చు. ఆర్థికంగా చూస్తే.. గత పెట్టుబడులు లాభాలను తెచ్చిపెట్టినా, ధన స్థానంలో ఏర్పడే మార్పుల వల్ల చేతికి వచ్చిన డబ్బు ఖర్చయ్యే ప్రమాదం ఉంది. అపరిచిత వ్యక్తులతో లావాదేవీలు జరిపేటప్పుడు అత్యంత జాగ్రత్తగా ఉండాలి.
March 29 Horoscope | రాశుల వారీగా..
మేష రాశి: మీ మాటతీరు లేదా ప్రవర్తన వల్ల స్నేహితులకు ఇబ్బంది కలగవచ్చు. గతంలో చేసిన పెట్టుబడులు ఇప్పుడు మంచి లాభాలను అందిస్తాయి. పొదుపు, పెట్టుబడుల ప్రాముఖ్యాన్ని గుర్తిస్తారు. ఆర్థికంగా కలిసి వచ్చే రోజు. ఇంటి వాతావరణం కొంచెం అస్థిరంగా ఉండవచ్చు. కొత్త పనులు ప్రారంభించే ముందు ఆ రంగంలో అనుభవం ఉన్న వ్యక్తులను సంప్రదించండి. వారి సలహాలు ఎంతో మేలు చేస్తాయి.
March 29 Horoscope | వృషభం, మిథునం..
వృషభ రాశి: బంధువులతో సరదాగా గడపడం వల్ల ఒత్తిడి తగ్గి మనసు ప్రశాంతంగా ఉంటుంది. ఆర్థిక పరిస్థితి మెరుగుపడుతుంది. ధన లాభం కలిగే సూచనలు ఉన్నాయి. చాలా కాలంగా కలవని వ్యక్తులకు లేదా దూరపు బంధువులను కలుస్తారు. నేను చెప్పిందే కరెక్ట్” అనే పట్టుదలను వీడి, ఇతరుల అభిప్రాయాలను గౌరవిస్తూ మిమ్మల్ని మీరు మార్చుకోవడం మంచిది.
మిథున రాశి: శారీరక ఆరోగ్యంతో పాటు మానసిక ప్రశాంతత కోసం ధ్యానం, యోగా చేయడం ఇవాళ చాలా అవసరం. డబ్బు సంపాదన బాగున్నప్పటికీ, ఖర్చులు కూడా అదే స్థాయిలో ఉండే అవకాశం ఉంది. సన్నిహిత స్నేహితులతో గడపడానికి, చిన్నపాటి వేడుకలు చేసుకోవడానికి ఇది మంచి సమయం. బంధుత్వాలు మరింత పటిష్టం కావడానికి, వీలైతే విష్ణుమూర్తి మత్స్యవతార కథను చదవండి.
March 29 Horoscope | కర్కాటకం, సింహం..
కర్కాటక రాశి: అనారోగ్యం వల్ల కొంచెం అసౌకర్యంగా భావించవచ్చు. డబ్బు ఖర్చయ్యే అవకాశాలు ఎక్కువగా ఉన్నాయి. ఆదాయం వస్తున్నప్పటికీ, ఖర్చులు అదుపు తప్పకుండా జాగ్రత్త వహించడం అవసరం. సామాజిక కార్యక్రమాల్లో పాల్గొనడం వల్ల సమాజంలో మంచి గుర్తింపు ఉన్న వ్యక్తులతో పరిచయాలు ఏర్పడతాయి.
సింహ రాశి: రోజంతా కొన్ని ఆర్థిక ఇబ్బందులు ఎదురైనప్పటికీ, రోజు చివరిలో మంచి లాభాలను చూస్తారు. ఆర్థిక పరిస్థితి మెరుగుపడుతుంది. అవసరమైన సమయంలో స్నేహితులు అందుబాటులో ఉండకపోవచ్చు, ఇది కొంత నిరాశ కలిగించవచ్చు. కొత్త విషయాల గురించి సృజనాత్మకంగా ఆలోచిస్తారు. వైవాహిక జీవితంలో ఇవాళ ఒక అందమైన మార్పు రాబోతోంది.
March 29 Horoscope | కన్యా, తులా..
కన్యా రాశి: మానసిక ప్రశాంతత కోసం ధ్యానం, యోగా చేయడం మంచిది. ఇతర ప్రాంతాలలో లేదా విదేశాల్లో చేసిన స్థిరాస్తి పెట్టుబడులు ఇవాళ లాభసాటిగా అమ్ముడయ్యే అవకాశం ఉంది. దీనివల్ల మంచి ఆర్థిక లాభం చేకూరుతుంది. మనసుకి నచ్చిన వ్యక్తిని కలిసే అవకాశం ఉంది. కుటుంబంలోని పెద్దల అనుభవాల ద్వారా జీవితంలోని లోటుపాట్లను, చిక్కులను అర్థం చేసుకునే ప్రయత్నం చేస్తారు.
తులా రాశి: ఇవాళ చాలా ఉత్సాహంగా, సంతోషంగా గడుపుతారు. ఎవరి సహాయం లేకుండానే స్వశక్తితో ధనాన్ని సంపాదించగలుగుతారు. ఆర్థికంగా ఇది కలిసి వచ్చే రోజు. మీ తెలివితేటలు, చమత్కారమైన మాటతీరుతో చుట్టూ ఉన్నవారిని ఆకట్టుకుంటారు. అందరూ మిమ్మల్ని మెచ్చుకుంటారు. ఇవాళ చేసే ప్రయాణాలు అంత సౌకర్యవంతంగా ఉండకపోవచ్చు. కానీ భవిష్యత్తుకు ఉపయోగపడే ముఖ్యమైన వ్యక్తుల పరిచయాలు ఏర్పడతాయి.
March 29 Horoscope | మిగతా రాశులు..
వృశ్చిక రాశి: కష్టాల్లో ఉన్నవారికి సహాయం చేస్తారు. చుట్టూ ఉన్నవారు మిమ్మల్ని మనస్ఫూర్తిగా ప్రశంసిస్తారు. అనుకోకుండా డబ్బు చేతికందుతుంది. దీనివల్ల పెండింగులో ఉన్న బిల్లులు, అత్యవసర ఖర్చులు సులభంగా తీరిపోతాయి. ఆర్థికంగా ఉపశమనం లభిస్తుంది. జీవిత భాగస్వామి నుంచి ఒక అద్భుతమైన సర్ ప్రైజ్ లభించే అవకాశం ఉంది.
ధనుస్సు రాశి: మీ కఠినమైన ఆలోచనలు లేదా మాటలు ప్రియమైన వారికి బాధ కలిగించవచ్చు. అనుకోని వ్యక్తుల ద్వారా లేదా తెలియని మార్గాల ద్వారా ధనం లభిస్తుంది. దీనివల్ల ఆర్థిక ఇబ్బందులు చాలా వరకు తొలగిపోతాయి. వ్యక్తిగత విషయాలను లేదా నమ్మకమైన రహస్యాలను ఇతరులతో పంచుకోకండి. అది ఇబ్బంది కలిగించవచ్చు.
మకర రాశి: గతంలో చేసిన పెట్టుబడుల వల్ల మంచి లాభాలు అందుతాయి. పొదుపు, పెట్టుబడులు భవిష్యత్తుకు ఎంత అవసరమో అర్థమవుతుంది. ఇంటి వాతావరణం కొంత అస్థిరంగా, ఊహించని విధంగా ఉంటుంది. అయితే, బంధువులను కలుసుకోవడం ద్వారా సామాజిక బాధ్యతలను పూర్తి చేస్తారు. ఇది గౌరవాన్ని తెచ్చిపెడుతుంది. వైవాహిక జీవితంలో చిన్నపాటి విభేదాలు వచ్చే అవకాశం ఉంది.
కుంభ రాశి: ఆర్థిక ఇబ్బందుల నుంచి ఉపశమనం లభిస్తుంది. ధన సంబంధిత సమస్యలు తీరి మనశ్శాంతి కలుగుతుంది. వైవాహిక జీవితం చాలా అద్భుతంగా ఉంటుంది. ఇవాళ ఇంట్లో పవిత్రమైన వేడుకలు, హోమాలు లేదా శాస్త్రోక్తమైన కర్మలు నిర్వహించే సూచనలు ఉన్నాయి. కుటుంబ జీవితంలో ఆనందం వెల్లివిరియడానికి ప్రతిరోజు ఉదయం, సాయంత్రం 11 సార్లు “ఓం గం గణపతయే నమః” అనే మంత్రాన్ని పఠించండి.
మీన రాశి: ఈ రోజును యోగా లేదా ధ్యానంతో ప్రారంభించడం వల్ల రోజంతా ఉత్సాహంగా, శక్తివంతంగా ఉంటారు. ఆర్థిక పరిస్థితి చాలా బాగుంటుంది. పాత అప్పులు లేదా రుణాల నుంచి విముక్తి పొందే అవకాశం ఉంది. అనుకోకుండా ఒక బంధువు ఇంటికి రావచ్చు లేదా సర్ ప్రైజ్ ఇవ్వవచ్చు. ఇంట్లో పెళ్లి ప్రస్తావన వచ్చే సూచనలు ఉన్నాయి, అది అంతగా నచ్చకపోవచ్చు.
