అక్షరటుడే, వెబ్డెస్క్ : Virat Kohli innings | ఇండియన్ ప్రీమియర్ లీగ్ తాజా సీజన్కు మంచి ఆరంభం లభించింది. ఓపెనింగ్ మ్యాచ్లో డిఫెండింగ్ చాంపియన్ రాయల్ ఛాలెంజర్స్ బెంగళూరు అద్భుతమైన ఆటతో ప్రత్యర్థి సన్రైజర్స్ హైదరాబాద్ (Sunrisers Hyderabad)పై 6 వికెట్ల తేడాతో ఘన విజయం సాధించింది. 202 పరుగుల భారీ లక్ష్యాన్ని బెంగళూరు జట్టు కేవలం 15.4 ఓవర్లలోనే చేధించడం మ్యాచ్ హైలైట్గా నిలిచింది.
మొదట బ్యాటింగ్కు దిగిన సన్రైజర్స్ హైదరాబాద్ 20 ఓవర్లలో 9 వికెట్లకు 201 పరుగులు చేసింది. కెప్టెన్ ఇషాన్ కిషన్ 38 బంతుల్లో 80 పరుగులతో అద్భుత ఇన్నింగ్స్ ఆడగా, అనికేత్ వర్మ 18 బంతుల్లో 43 పరుగులతో మెరిపించాడు. అలాగే హైన్రిచ్ క్లాసెన్ 31 పరుగులతో కీలక పాత్ర పోషించాడు. అయితే టాప్ ఆర్డర్ విఫలం కావడంతో భారీ స్కోర్ ఉన్నప్పటికీ జట్టు ఒత్తిడిలో పడింది. ఆర్సీబీ తరఫున డఫీ, షెఫర్డ్లు తలో మూడు వికెట్లు తీసి రైజర్స్ను కట్టడి చేశారు.
Virat Kohli innings | కోహ్లీ క్లాస్ ఇన్నింగ్స్..
ఛేదనలో బెంగళూరు (RCB) జట్టు ఎక్కడా తడబడలేదు. ఓపెనర్ సాల్ట్ త్వరగా ఔటైనా, దేవ్దత్ పడిక్కల్, విరాట్ కోహ్లీ జోడీ మ్యాచ్ను పూర్తిగా తమ వైపు తిప్పుకుంది. దేవ్దత్ 26 బంతుల్లో 61 పరుగులతో వేగంగా ఆడగా, కోహ్లీ 38 బంతుల్లో 69 పరుగులతో అజేయంగా నిలిచాడు. ఈ మ్యాచ్లో కోహ్లీ క్లాసిక్ స్ట్రోక్స్తో పాటు భారీ సిక్సర్లతో అభిమానులను అలరించాడు. చివర్లో వరుసగా 6,4,4,4 బాదుతూ మ్యాచ్ను 16వ ఓవర్లోనే ముగించడం అతని క్లాస్కు నిదర్శనం. కెప్టెన్ రజత్ పటీదార్ కూడా 12 బంతుల్లో 31 పరుగులతో వేగంగా ఆడాడు. ఇక ఇన్నింగ్స్ ఆరంభంలోనే వికెట్లు కోల్పోయిన సన్రైజర్స్ను ఇషాన్ కిషన్ అద్భుతంగా ఆదుకున్నాడు. క్లాసెన్తో కలిసి కీలక భాగస్వామ్యం నెలకొల్పి జట్టును 200 పరుగుల దాటించాడు. చివర్లో అనికేత్ వర్మ వేగంగా ఆడటం కూడా స్కోర్ పెరగడానికి కారణమైంది.
Virat Kohli innings | నిరాశ పరిచిన బౌలింగ్
బౌలింగ్లో సన్రైజర్స్ హైదరాబాద్ పూర్తిగా నిరాశపరిచింది. ముఖ్యంగా కీలక సమయంలో క్యాచ్లు మిస్ అవడం, లైన్ అండ్ లెంగ్త్ లోపించడం వల్ల మ్యాచ్ చేతులారా జారిపోయింది. మొత్తానికి, ఐపీఎల్ కొత్త సీజన్ను రాయల్ ఛాలెంజర్స్ బెంగళూరు ఘన విజయంతో ఆరంభించగా, విరాట్ కోహ్లీ ఫామ్ మరోసారి అభిమానుల్లో ఉత్సాహాన్ని నింపింది. ‘ప్లేయర్ ఆఫ్ ది మ్యాచ్’గా డఫీ Duffy నిలవడం విశేషం.
ఇది కూడా చదవండి : Jasprit Bumrah Injury | ఐపీఎల్ 2026కు ముందు ముంబై ఇండియన్స్కు బిగ్ షాక్.. గాయంతో ఐపీఎల్ నుంచి బుమ్రా ఔట్..?
