అక్షరటుడే, వెబ్డెస్క్ : Sharwanand Biker Transformation | ఈతరం హీరోలు పాత్ర కోసం ఎంత కష్టపడటానికైనా సిద్ధంగా ఉంటున్నారనే దానికి మరో ఉదాహరణగా నిలిచారు శర్వానంద్ (Sharwanand). ఒకప్పుడు కాస్త బొద్దుగా కనిపించిన ఆయన, ఇప్పుడు పూర్తిగా సన్నగా మారి కొత్త లుక్లో కనిపించడం అభిమానులను షాక్కు గురిచేసింది. ఈ మార్పు అంతా ఆయన నటిస్తున్న బైకర్ సినిమా కోసమే.దర్శకుడు అభిలాష్ రెడ్డి తెరకెక్కిస్తున్న ఈ మోటో స్పోర్ట్స్ యాక్షన్ డ్రామాలో శర్వానంద్ 18 ఏళ్ల బైక్ రేసర్గా కనిపించనున్నారు.
ఇందులో మాళవిక నాయర్ హీరోయిన్గా నటించగా, డా. రాజశేఖర్ (Dr. Rajasekhar) కీలక పాత్ర పోషించారు. యూవీ క్రియేషన్స్ నిర్మిస్తున్న ఈ చిత్రం ఏప్రిల్ 3న ప్రేక్షకుల ముందుకు రానుంది. సినిమా కోసం చేసిన తన ప్రయాణాన్ని శర్వానంద్ ఓ వీడియో ద్వారా పంచుకున్నారు. “నా జీవితంలో ఫిజికల్, మెంటల్గా చాలా కష్టమైన దశలో ఉన్నాను. అప్పుడు కొత్తగా ఎదగాలని అనిపించింది. అదే సమయంలో ‘బైకర్’ స్క్రిప్ట్ వచ్చింది. ఈ సినిమా కోసం నా వంతు 100 శాతం కృషి చేయాలని నిర్ణయించుకున్నాను” అని తెలిపారు.
Sharwanand Biker Transformation | యోగా వలన మరింత స్ట్రాంగ్…
తన ట్రాన్స్ఫర్మేషన్ (Transformation) గురించి వివరించుతూ, రెండేళ్లపాటు ప్రతి రోజు ఉదయం సూర్యోదయానికి ముందే లేవడం ప్రారంభమైంది. స్ట్రెచ్చింగ్, యోగా, ప్రాణాయామం, కఠిన ట్రైనింగ్తో రోజంతా గడిచేది. ఒక దశలో రోజుకు ఉదయం, సాయంత్రం కలిపి 32 కి.మీ పరుగులు తీసేవాడిని. ఇది చాలా పెయిన్ఫుల్గా అనిపించినా ఆగలేదు అని చెప్పారు. అంతేకాదు, యోగా (Yoga) తన ఆలోచనా విధానాన్ని పూర్తిగా మార్చిందని శర్వానంద్ వెల్లడించారు. యోగా వల్ల నేను మానసికంగా చాలా స్ట్రాంగ్ అయ్యాను. తక్కువ మాట్లాడటం, నెమ్మదిగా ఆలోచించడం, ముఖ్యమైన విషయాలపై ఫోకస్ పెట్టడం నేర్చుకున్నాను. శీర్షాసనం కూడా కొన్ని నిమిషాలు చేయగలిగే స్థాయికి చేరుకున్నాను అన్నారు.
Sharwanand Biker Transformation | నా కోసం నేను చేసుకున్న
తన లక్ష్యాన్ని చేరుకునే క్రమంలో 6-7 కిలోలకుపైగా బరువు తగ్గినట్లు తెలిపారు. ఇది కేవలం సినిమా కోసం చేసిన ట్రాన్స్ఫర్మేషన్ కాదు.. నా కోసం నేను చేసుకున్న మార్పు. ఒక రోజు అద్దంలో చూసుకున్నప్పుడు ‘నేను రెడీ’ అని అనిపించింది. నేను సాధించగలిగితే ఎవరైనా సాధించగలరు అని శర్వానంద్ సందేశం ఇచ్చారు. ‘బైకర్’ సినిమాతో శర్వానంద్ కొత్త అవతారంలో ప్రేక్షకులను అలరించేందుకు సిద్ధమవుతున్నారు. ఈ మూవీ ఆయన కెరీర్లో ప్రత్యేకమైన మైలురాయిగా నిలుస్తుందని అభిమానులు ఆశిస్తున్నారు.
ఇది కూడా చదవండి..: Dhurandhar 2 collections | ‘ధురంధర్: ది రివెంజ్’ సంచలనం.. ‘బాహుబలి 2’ రికార్డ్ బ్రేక్
