అక్షరటుడే, వెబ్డెస్క్: Air Conditioners | వేసవి తాపం నుంచి ఉపశమనం పొందడానికి ప్రతి ఇంట్లోనూ ఎయిర్ కండిషనర్ (AC) ఒక అనివార్య వస్తువుగా మారిపోయింది. అయితే, మనకు హాయినిచ్చే ఈ ఏసీలే ఒక్కోసారి ప్రాణాంతక బాంబుల్లా మారుతున్నాయి.
ఏసీ కంప్రెషర్లు పేలి ప్రాణాలు కోల్పోతున్న ఘటనలు ఇటీవల కాలంలో ఆందోళన కలిగిస్తున్నాయి. అసలు ఏసీలు ఎందుకు పేలుతాయి? మనం చేసే చిన్న చిన్న పొరపాట్లు ఏమిటో… అవి ఎలా ప్రమాదాలకు దారితీస్తాయో ఈ కథనంలో తెలుసుకుందాం.
Air Conditioners | ఏసీ పేలడానికి ప్రధాన కారణాలు:
ఏసీ కంప్రెషర్ పేలడం వెనుక శాస్త్రీయమైన, నిర్వహణ లోపాలు ఉంటాయని నిపుణులు విశ్లేషిస్తున్నారు..
ఓవర్ హీటింగ్ (అధిక వేడి): ఏసీలను విరామం లేకుండా గంటల తరబడి వాడటం, ముఖ్యంగా బయట ఉష్ణోగ్రతలు ఎక్కువగా ఉన్నప్పుడు లోపలి కూలింగ్ ఫ్యాన్ సరిగ్గా పనిచేయకపోతే కంప్రెషర్ విపరీతంగా వేడెక్కి పేలిపోయే ప్రమాదం ఉంది.
గ్యాస్ లీకేజీ: ఏసీ పైపులు పాతగా మారినా లేదా దెబ్బతిన్నా అందులోని రిఫ్రిజిరేటర్ గ్యాస్ లీక్ అవుతుంది. ఈ గ్యాస్ గాలిలో కలిసి చిన్నపాటి నిప్పురవ్వ తగిలినా అది భారీ పేలుడుకు దారితీస్తుంది.
వోల్టేజ్ సమస్యలు: విద్యుత్ హెచ్చుతగ్గులు (Voltage Fluctuations) , నాణ్యత లేని వైరింగ్ వల్ల షార్ట్ సర్క్యూట్ జరిగి ప్రమాదాలు సంభవిస్తాయి.
Air Conditioners | ప్రమాదాలను నివారించే మార్గాలు:
ఏసీని సురక్షితంగా ఉంచుకోవడానికి ఈ జాగ్రత్తలు తప్పనిసరి…
సకాలంలో సర్వీసింగ్: కనీసం ఆరు నెలలకు ఒకసారి లేదా ఏడాదికి ఒకసారైనా ప్రొఫెషనల్ టెక్నీషియన్ ద్వారా సర్వీసింగ్ చేయించాలి. గ్యాస్ లెవల్స్, వైరింగ్ , ఫిల్టర్లను క్రమం తప్పకుండా తనిఖీ చేయించుకోవాలి.
గాలి ప్రవాహం: అవుట్డోర్ యూనిట్ చుట్టూ గాలి ధారాళంగా ఆడేలా చూసుకోవాలి. దాని చుట్టూ చెత్త లేదా అడ్డంకులు లేకుండా జాగ్రత్త పడాలి.
నాణ్యమైన బ్రాండ్స్: తక్కువ ధరకు వస్తున్నాయని నాణ్యత లేని ఏసీలను కొనుగోలు చేయకండి. బ్రాండెడ్ , ఐఎస్ఐ మార్కు ఉన్న ఏసీలనే ఎంచుకోవడం ఉత్తమం.
సంకేతాలను గమనించండి: ఏసీ నుంచి ఏదైనా వింత వాసన రావడం, అసాధారణమైన శబ్దాలు రావడం లేదా కూలింగ్ తగ్గడం వంటివి గమనిస్తే వెంటనే ఏసీని ఆపివేసి టెక్నీషియన్ను సంప్రదించాలి.
