అక్షరటుడే, నిజామాబాద్ సిటీ: Bipolar Disorder Treatment | బైపోలార్ వ్యాధికి (bipolar disorder) అనేక చికిత్స మార్గాలున్నాయని.. సీబీటీ (CBT therapy), సైకోథెరపీ, ఫ్యామిలీ కౌన్సెలింగ్, గ్రూప్ థెరపీ లాంటి పద్ధతులతో (mental health awareness) వ్యాధిని నయం చేయవచ్చని న్యూరో సైకియాట్రిస్ట్ డాక్టర్ విశాల్ (Vishal Akula) అన్నారు. ఐఎంఏ నిజామాబాద్ (IMA Nizamabad), తెలంగాణ మెంటల్ హెల్త్ కమిటీ సంయుక్త ఆధ్వర్యంలో అంతర్జాతీయ బైపోలార్ వ్యాధి దినోత్సవాన్ని పురస్కరించుకొని ఇందూర్ న్యూరో సైకియాట్రిక్ ఆసుపత్రిలో బైపోలార్ వ్యాధిపై అవగాహన కార్యక్రమం నిర్వహించారు.
Bipolar Disorder Treatment | బైపోలార్ అంటే రెండు ధృవాలు..
ఐఎంఏ నిజామాబాద్ అధ్యక్షుడు, న్యూరో సైకియాట్రిస్ట్ విశాల్ ఆకుల మాట్లాడుతూ బైపోలార్ డిసార్డర్ అనేది ఒక తీవ్రమైన (Nizamabad health news) మానసిక వ్యాధి అని తెలిపారు. ‘పోలార్’ అంటే ధృవం, ‘బైపోలార్’ అంటే రెండు ధృవాలు అనే అర్థం వస్తుందన్నారు. ఒకే వ్యక్తిలో వివిధ సమయాల్లో(psychiatric treatment) రెండు రకాల మానసిక స్థితులు ఉండడం బైపోలార్ డిసార్డర్ లక్షణమని వివరించారు. ఈ వ్యాధిలో హైపోమానియా, మానియా, డిప్రెషన్ దశలు ఉంటాయని.. ఒక వ్యక్తి కొంతకాలం హైపోమానియా లేదా మానియా దశలో ఉండి, తర్వాత డిప్రెషన్ దశకు లోనవుతాడన్నారు. ఈ దశలు కొందరిలో రోజులు, కొందరిలో నెలలు, ఇంకొందరిలో ఏళ్ల పాటు కొనసాగవచ్చని తెలిపారు.
Bipolar Disorder Treatment | మితిమీరిన ఆత్మవిశ్వాసం..
రోగి మానియా దశలో ఉన్నప్పుడు మితిమీరిన ఆత్మవిశ్వాసం, అతి హుషారుగా ఉండటం,(depression and mania) గొప్పలు చెప్పడం, విచ్చలవిడిగా డబ్బు ఖర్చు చేయడం చేస్తుంటాడని డాక్టర్ విశాల్ అన్నారు. అతిగా మాట్లాడటం, పాటలు పాడడం, నృత్యం చేయడం, అధిక అలంకరణ చేసుకోవడం, తెలియని వారిని పలకరించడం, అతి కోపం, చిరాకు వంటి లక్షణాలు కనబడతాయని ఆయన వివరించారు. కొంతమందిలో తాము దేవుడిగా భావించడం లేదా అసాధారణ ఆలోచనలు రావడం కూడా జరుగుతుందన్నారు. తీవ్రమైన మానియా దశలో ఆస్పత్రిలో చేర్పించాల్సిన పరిస్థితులు కూడా రావచ్చని తెలిపారు.
Bipolar Disorder Treatment |హైపోమానియా దశలో..
హైపోమానియా దశలో లక్షణాలు తక్కువ తీవ్రతతో ఉంటాయని వైద్యుడు విశాల్ అన్నారు. సాధారణ జీవితం మీద పెద్దగా ప్రభావం చూపకపోవచ్చన్నారు. అయితే మానియా దశ వ్యక్తిగతంగా, వృత్తిపరంగా తీవ్రమైన సమస్యలను కలిగిస్తుందని వివరించారు. డిప్రెషన్ దశలో రోజంతా బాధగా అనిపించడం, ఆసక్తి తగ్గడం, నిద్రలో మార్పులు, ఆకలి తగ్గడం లేదా పెరగడం, శక్తి లేకపోవడం, ఏకాగ్రత లోపించడం, ఆత్మన్యూనత భావం, ఆత్మహత్య ఆలోచనలు వంటి లక్షణాలు కనిపిస్తాయని తెలిపారు. ఈ వ్యాధికి గల కారణాల్లో మెదడులో జరిగే మార్పులు, చిన్ననాటి చేదు అనుభవాలు, కుటుంబ సమస్యలు, ఇతర శారీరక లేదా మానసిక వ్యాధులు, వంశపారంపర్య ప్రభావం మరియు హార్మోన్ మార్పులు ఉంటాయని వివరించారు.
చికిత్స మార్గాలున్నాయ్..
బైపోలార్ వ్యాధికి మందులు, కాగ్నిటివ్ బిహేవియర్ థెరపీ (CBT), సీబీటీ, సైకోథెరపీ, ఫ్యామిలీ కౌన్సెలింగ్, గ్రూప్ థెరపీ వంటి పద్ధతులతో( therapy options) సమర్థవంతంగా చికిత్స చేయవచ్చని విశాల్ తెలిపారు. ముఖ్యంగా మూడ్ స్టెబిలైజర్స్(Mood Stabilizers), యాంటీ సైకోటిక్ (Antipsychotic) మందులు ఈ వ్యాధిని నియంత్రించడంలో(mental illness India) సహాయపడతాయని చెప్పారు. ఈ వ్యాధిలో కుటుంబ సభ్యుల పాత్ర అత్యంత ముఖ్యమని, రోగి ప్రవర్తనలో మార్పులు గమనించిన వెంటనే మానసిక వైద్యుడిని సంప్రదిస్తే మంచి ఫలితాలు పొందవచ్చని సూచించారు. ఈ కార్యక్రమంలో ఐఎంఏ (IMA) ప్రధాన కార్యదర్శి హరీష్ స్వామి, వైద్యులు శ్రీశైలం, టీ జీవన్ రావు, రమణేశ్వర్ పాల్గొన్నారు.
