అక్షరటుడే, వెబ్డెస్క్ : Gas Cylinder Black Market | పశ్చిమాసియాలో యుద్ధంతో గ్యాస్ సరఫరాలో అంతరాయం నెలకొన్న విషయం తెలిసిందే. దీంతో కేంద్ర ప్రభుత్వం వాణిజ్య సిలిండర్లపై పరిమితులు విధించింది. గ్యాస్ కొరతతో హైదరాబాద్ (Hyderabad) నగరంలో పలు హోటళ్లు, హాస్టళ్లు మూత పడ్డాయి.
గ్యాస్ సిలిండర్ల కొరతను కొందరు ఆదాయ వనరుగా మార్చుకున్నారు. సిలిండర్లను బ్లాక్ మార్కెట్కు తరలించి అధిక ధరలకు విక్రయిస్తున్నారు. ఇలాంటి ఓ గ్యాంగ్ను టాస్క్ఫోర్స్ పోలీసులు సోమవారం అరెస్ట్ చేశారు. బంజారాహిల్స్ (Banjarahills)లోని నాగార్జునఎక్స్రోడ్ సమీపంలో హెచ్పీగ్యాస్ సిలిండర్లను అక్రమంగా నిల్వచేసి, విక్రయిస్తున్న 10 మందిని పోలీసులు పట్టుకున్నారు.
Gas Cylinder Black Market | శ్మశానంలో నిల్వ
నిందితులు సిలిండర్లను ఒక శ్మశాన వాటికలో పడేశారు. వినియోగదారులను దోపిడీ చేస్తూ వాటిని అధికధరలకు అమ్ముతున్నారు. సమాచారం అందుకున్న పోలీసులు దాడి చేసి వారిని అదుపులోకి తీసుకున్నారు. వారి నుంచి 414 గ్యాస్ సిలిండర్లతో పాటు పలు రవాణా వాహనాలను స్వాధీనం చేసుకున్నారు. స్వాధీనం చేసుకున్న వాటి విలువ సుమారు రూ.21.88 లక్షలు ఉంటుందని పేర్కొన్నారు. మెట్రో గ్యాస్ ఏజెన్సీ (Metro Gas Agency) నిర్వహిస్తున్న మహ్మద్ అమీర్ను ప్రధాన నిందితుడిగా గుర్తించారు.
కాగా ప్రస్తుతం దేశవ్యాప్తంగా గ్యాస్ కొరత కొంత మేర తగ్గింది. మొన్నటి వరకు 50 శాతం వాణిజ్య సిలిండర్లను సరఫరా చేసిన కేంద్రం ప్రస్తుతం 70 శాతానికి పెంచింది. దీంతో హోటళ్లు, రెస్టారెండ్లు, హాస్టళ్లకు సిలిండర్లు లభిస్తున్నాయి. అయితే కొందరు అధిక లాభాల కోసం సిలిండర్లను బ్లాక్ మార్కెట్కు తరలించి కృత్రిమ కొరత సృష్టిస్తున్నారు.
ఇది కూడా చదవండి : Gandhari Bike Accident | గాంధారిలో విషాదం.. డివైడర్ను బైక్ ఢీకొని ముగ్గురి మృతి
