అక్షరటుడే, వెబ్డెస్క్ : Ice Candy Adulteration | కల్తీ మాఫియా ఆఖరకు పిల్లలు ఎంతో ఇష్టంగా తినే ఐస్ క్యాండీలను వదలడం లేదు. ఐస్ క్యాండీ, లస్సీ కూడా కల్తీ చేస్తున్నారు. అవి తింటున్న పిల్లలు అనారోగ్యం భారీన పడుతున్నారు.
హైదరాబాద్ (Hyderabad) నగరంలోని మెహదీపట్నం (Mehadipatnam)లో అపరిశుభ్రమైన ఐస్ క్యాండీ, లస్సీ తయారీ కేంద్రంపై టాస్క్ఫోర్స్ పోలీసులు (Taskforce Police) దాడులు చేశారు.. గోల్కొండ జోన్ కమిషనర్ టాస్క్ ఫోర్స్ బృందం, మెహదీపట్నం పోలీసులతో కలిసి బడా బజార్, ఫస్ట్ లాన్సర్, అహ్మద్ నగర్ వద్ద ఉన్న “ఆలియా ఐస్ క్రీమ్ పార్లర్”పై దాడి చేసింది. ఈ దాడిలో, అదే ప్రాంతానికి చెందిన సయ్యద్ ముషారఫుద్దీన్ (24) అనే నిందితుడిని పోలీసులు అదుపులోకి తీసుకున్నారు.
Ice Candy Adulteration | రసాయనాలతో..
నిందితుడు లాభాల కోసం రసాయనాలు, సురక్షితం కాని పదార్థాలను ఉపయోగిస్తూ, అత్యంత అపరిశుభ్రమైన పరిస్థితుల్లో ఐస్ క్యాండీలు. లస్సీని తయారు చేస్తున్నట్లు పోలీసులు గుర్తించారు. వాటిని దుకాణాలకు సరఫరా చేసి లాభాలు సంపాదిస్తున్నాడు. ఆపరేషన్ సమయంలో పోలీసులు భారీ మొత్తంలో ఐస్ క్యాండీలు, లస్సీ ఉత్పత్తులు, ముడి పదార్థాలు, అలాగే నిల్వ యూనిట్లు మరియు ప్యాకింగ్ యంత్రాలతో సహా తయారీ పరికరాలను స్వాధీనం చేసుకున్నారు. స్వాధీనం చేసుకున్న ఈ ఆస్తి మొత్తం విలువ సుమారు రూ.5.44 లక్షలు ఉంటుందని అంచనా.
దీనిని కూడా చదవండి : Adulterated Food Seizure | భారీగా కల్తీ అల్లం వెల్లుల్లి పేస్ట్ స్వాధీనం
