అక్షరటుడే, నిజామాబాద్ సిటీ: Bal Bhavan Summer Classes | నేటితరంలో పిల్లలు స్కూళ్లు ముగిశాక దాదాపుగా ఫోన్లలోనే మునిగిపోతున్నారు. వేసవి సెలవుల్లో దాదాపు రెండు నెలలు చిన్నారులను ఫోన్లు, టీవీల నుంచి దూరంగా ఉంచడం అనేది తల్లిదండ్రులకు కత్తిమీద సామే అని చెప్పారు. వీటి నుంచి పిల్లలను దూరంగా ఉంచేందుకు బాల్భవన్ చక్కని వేదికగా మారింది.
బాల్భవన్ (Bal Bhavan)లో వేసవి శిక్షణ తరగతులు ప్రతిఏడాది ఏప్రిల్, మే నెలల్లో నిర్వహిస్తుంటారు. చిన్నారుల వేసవి సెలవులను దృష్టిలో ఉంచుకుని ప్రత్యేక తరగతులు ప్రారంభించనున్నారు. ఈ మేరకు 2026లో నగరంలోని బాల్భవన్లో ఏప్రిల్ 20వ తేదీ నుంచి తరగతులు ప్రారంభించనున్నారు.
Bal Bhavan Summer Classes | శిక్షణ కాలం వివరాలు..
బాల్భవన్లో వచ్చేనెల 20వ తేదీ నుంచి జూన్ 10వ తేదీ వరకు వివిధ అంశాల్లో విద్యార్థులకు శిక్షణ తరగతులు నిర్వహిస్తారు. విద్యార్థుల వేసవి సెలవులు (Summer Holidays) వృథాగా పోనీయకుండా బాలబాలికల అభిరుచులను బట్టి వారికిష్టమైన అంశాల్లో తర్ఫీదునిస్తారు. వేసవి శిక్షణ తరగతులు ప్రతిరోజూ ఉదయం 8 గంటల నుంచి మధ్యాహ్నం 1.30వరకు జరుగుతాయి. కార్యాలయం ప్రతిరోజూ ఉదయం 8 గంటల నుంచి మధ్యాహ్నం 2 వరకు ఉంటుంది. ఈ వేళల్లో విద్యార్థుల కోసం వారికిష్టమైన అంశాల్లో అడ్మిషన్ తీసుకోవచ్చు.
Bal Bhavan Summer Classes | ప్రవేశానికి అర్హతలివే..
బాల్భవన్లో చేరాలనుకునే విద్యార్థులు తప్పనిసరిగా రెండు పాస్పోర్టు సైజు ఫొటోలు, డేట్ ఆఫ్ బర్త్ సర్టిఫికెట్ అడ్మిషన్ సమయంలో తీసుకురావాలి. అలాగే విద్యార్థి నాలుగు లేదా ఐదు అంశాల్లో శిక్షణ పొందే అవకాశం ఉంటుంది. ఆరేళ్ల వయస్సు నుంచి పదహారేళ్ల వయస్సు వరకు విద్యార్థులు బాల్భవన్లో చేరవచ్చు.
Bal Bhavan Summer Classes | ఏయే అంశాల్లో శిక్షణ ఇస్తారు..
బాల్భవన్లో మొత్తంగా 30 అంశాల్లో చిన్నారులకు శిక్షణ ఇస్తారు. వీటికి సంబంధించి సుశిక్షుతులైన ఉపాధ్యాయులు సేవలందిస్తున్నారు. డ్రాయింగ్, పెయింటింగ్, భరతనాట్యం, జానపద నృత్యం, కర్ణాటక గాత్ర సంగీతం, లలిత సంగీతం, టైలరింగ్, ఎంబ్రాయిడరీ, గ్లాస్ పేయింటింగ్, ఫ్లవర్ వాజ్ల తయారీ, ఫ్లవర్ పాట్ పేయింటింగ్, ఫ్లవర్ బొకే తయారీ, బెస్ట్ అవుటాఫ్ వేస్ట్, ఐస్క్రీం పుల్లలతో అలంకార వస్తువుల తయారీ, క్రాస్ స్టిచ్ మ్యాచ్ వర్క్, పర్సులు, బ్యాగుల తయరీ, ఉలర్ వర్క్, క్రోషియా వర్క్, మిర్రర్ వర్క్, మోతీ వర్క్, జర్దోసి వర్క్, రిబ్బర్ వర్క్, చమ్కీ వర్క్, మెహందీ, శ్లోకాలు కథలు, పద్యాలు, మ్యాజిక్, గ్రీటింగ్ కార్డుల తయారీ, స్కేటింగ్, యోగా, కర్రసాములో శిక్షణ ఇస్తారు.
Bal Bhavan Summer Classes | విద్యార్థులకు సదవకాశం..
వేసవి సెలవులను సద్వినియోగం చేసుకునేందుకు ఇదొక సదవకాశం. వివిధ అంశాల్లో శిక్షణ ఇస్తున్నాం. ప్రభుత్వ విద్యార్థులు (Government School Students) తమ బోనఫైడ్ సర్టిఫికెట్ తీసుకొస్తే ఫీజులో రాయితీ ఇస్తాం. చిన్నారుల కోసం బాల్భవన్లో అన్ని సౌకర్యాలు ఏర్పాటు చేశాం. 14 మంది వరకు ఇన్స్ట్రక్టర్లు ఉన్నారు. పూర్తి వివరాలకు కార్యాలయంలో సంప్రదించవచ్చు.
– ఉమాబాల, పర్యవేక్షకురాలు, బాలభవన్
ఇది కూడా చదవండి..: Gas Cylinder Shortage | నగరంలో గ్యాస్ కోసం వినియోగదారుల ఆందోళన
