అక్షరటుడే, వెబ్డెస్క్: Banana Empty Stomach | తక్షణ శక్తినిచ్చే ‘సూపర్ ఫుడ్’ అరటిపండు. ఉదయం వేళ ఆఫీసు హడావిడిలో ఉన్నా లేదా జిమ్కు వెళ్లాలన్నా చాలామందికి గుర్తొచ్చే మొదటి ఆప్షన్ ఇదే. ఆకలిని తీర్చడమే కాకుండా శరీరానికి కావాల్సిన పోషకాలను అందించడంలో దీనికి సాటి లేదు.
అయితే, ఆరోగ్యానికి ఎంతో మేలు చేసే ఈ పండును ఉదయాన్నే ఖాళీ కడుపుతో తీసుకోవడం వల్ల లాభం కంటే నష్టమే ఎక్కువని ఆరోగ్య నిపుణులు హెచ్చరిస్తున్నారు. అసలు ఖాళీ కడుపుతో అరటిపండు తింటే ఏం జరుగుతుందో ఇప్పుడు చూద్దాం.
Banana Empty Stomach | రక్తంలో చక్కెర స్థాయిల హెచ్చుతగ్గులు:
అరటిపండులో పొటాషియం, మెగ్నీషియం , విటమిన్ B6 పుష్కలంగా ఉంటాయి. అయితే ఇందులో ఉండే సహజ సిద్ధమైన చక్కెరలు ఖాళీ కడుపుతో తిన్నప్పుడు రక్తంలో షుగర్ లెవల్స్ను ఒక్కసారిగా పెంచుతాయి. దీనివల్ల వెంటనే శక్తి వచ్చినట్లు అనిపించినా, అంతే వేగంగా నీరసం ఆవహిస్తుంది. దీనివల్ల పది నిమిషాలకే మళ్లీ ఆకలి వేయడం లేదా విపరీతమైన అలసట రావడం జరుగుతుంది.
Banana Empty Stomach | గుండె ఆరోగ్యంపై ఒత్తిడి:
అరటిపండులో మెగ్నీషియం శాతం ఎక్కువగా ఉంటుంది. పరగడుపున దీనిని తీసుకోవడం వల్ల రక్తంలోని మెగ్నీషియం, కాల్షియంల మధ్య ఉండాల్సిన సమతుల్యత దెబ్బతింటుంది. ఈ అసమతుల్యత గుండె పనితీరుపై ప్రతికూల ప్రభావం చూపే ప్రమాదం ఉందని కొన్ని పరిశోధనలు సూచిస్తున్నాయి. అంతేకాకుండా, ఖాళీ కడుపుతో తింటే కొందరిలో గ్యాస్, కడుపు ఉబ్బరం లేదా గుండెల్లో మంట వంటి సమస్యలు తలెత్తవచ్చు.
తినడానికి సరైన పద్ధతి ఏది?
అరటిపండును నేరుగా కాకుండా ఇతర ఆహార పదార్థాలతో కలిపి తీసుకోవడం ఉత్తమమని నిపుణులు చెబుతున్నారు.
పెరుగు లేదా ఓట్స్: అరటిపండు ముక్కలను పెరుగులో లేదా ఓట్స్లో కలిపి తీసుకుంటే శరీరానికి కావాల్సిన ప్రోటీన్ అందుతుంది , పండులోని ఆమ్ల గుణం తగ్గుతుంది.
డ్రై ఫ్రూట్స్: బాదం లేదా వాల్నట్స్తో కలిపి తినడం వల్ల పోషకాలు శరీరానికి నెమ్మదిగా, స్థిరంగా అందుతాయి.
ఇది కూడా చదవండి: Jasmine Flowers | మల్లె మొక్కకు పూలు పూయడం లేదా.. ఈ పవర్ ఫుల్ టిప్స్ ట్రై చెయ్యండి!
