అక్షరటుడే, వెబ్డెస్క్: Iran B1 Bridge Attack | మిడిల్ఈస్ట్లో ఉద్రిక్తతలు మరింత తీవ్రమవుతున్నాయి. ఇరాన్పై భీకర దారుడు చేస్తామని ప్రకటించిన కొన్ని గంటల్లోనే ఇరాన్లోని అతిపెద్ద బీ1 వంతెను అమెరికా, ఇజ్రాయిల్ దళాలు (Israeli Forces) ధ్వంసం చేసిన విషయం తెలిసిందే. దీనిపై ఇరాన్ స్పందించింది. దాడులకు ప్రతీకారంగా మధ్యప్రాచ్యంలోని ఎనిమిది ప్రధాన వంతెనలను లక్ష్యంగా చేసుకో గల జాబితాను విడుదల చేసింది.
Iran B1 Bridge Attack | గల్ఫ్, జోర్డాన్లోని వంతెనల వివరాల విడుదల
షేక్ జాబెర్ అల్-అహ్మద్ అల్-సబా సముద్ర వంతెన, కువైట్
షేక్ జాయెద్ వంతెన, యూఏఈ
అల్ మఖ్తా వంతెన, యూఏఈ
షేక్ ఖలీఫా వంతెన, యూఏఈ
కింగ్ ఫహద్ కాజ్వే (సౌదీ అరేబియా–బహ్రెయిన్)
కింగ్ హుస్సేన్ వంతెన, జోర్డాన్
దామియా వంతెన, జోర్డాన్
అబ్దౌన్ వంతెన, జోర్డాన్
Iran B1 Bridge Attack | ఇరాన్ B1 వంతెన విధ్వంసం
ఇరాన్లోనే అత్యంత ఎత్తయిన B1 వంతెనను టెహ్రాన్ను పశ్చిమ కరాజ్తో అనుసంధానించడానికి నిర్మించారు. కాగా.. అమెరికా (America), ఇజ్రాయిల్ చేసిన దాడిలో దాడిలో ఈ నిర్మాణం ధ్వంసమైంది. ప్రభుత్వ టీవీ, ఫార్స్ న్యూస్ ఏజెన్సీ కథనాల ప్రకారం.. ఎనిమిది మంది మరణించగా.. 95 మంది గాయపడ్డారు. వంతెనలోని పెద్ద భాగాలు కూలిపోతున్న దృశ్యాలు సోషల్ మీడియాలో వైరల్ అవుతున్నాయి.
Iran B1 Bridge Attack | దాడులను ఖండించిన అబ్బాస్ అరఘ్చి
పౌర మరియు అసంపూర్తి నిర్మాణాలపై జరిగిన దాడిని ఇరాన్ విదేశాంగ మంత్రి అబ్బాస్ అరాఘ్చి (Iran Foreign Minister Abbas Araqchi) ఖండించారు. ఇలాంటి చర్యలు ఇరాన్ను లొంగిపోయేలా చేయలేవని ‘ఎక్స్’లో పోస్ట్ చేశారు. “ఇది కేవలం గందరగోళంలో ఉన్న శత్రువు ఓటమిని, నైతిక పతనాన్ని మాత్రమే తెలియజేస్తుంది” అని ఆయన పేర్కొన్నారు.
Striking civilian structures, including unfinished bridges, will not compel Iranians to surrender.
It only conveys the defeat and moral collapse of an enemy in disarray. Every bridge and building will be built back stronger. What will never recover: damage to America’s standing. pic.twitter.com/872zuE36qD
— Seyed Abbas Araghchi (@araghchi) April 2, 2026
ఇది కూడా చదవండి..: Randy George Removal | ఉద్రిక్తతల మధ్య అమెరికా కీలక నిర్ణయం.. ఆర్మీ చీఫ్ జనరల్ రాండీ జార్జ్ తొలగింపు
