అక్షరటుడే, వెబ్డెస్క్: Raghav Chadha AAP Controversy | రాజ్యసభ ఆమ్ఆద్మీ పార్టీ (Aam Aadmi Party) ఉపనేతగా ఉన్న రాఘవ్ చడ్డాను ఆ పార్టీ తొలగించిన విషయం తెలిసిందే. కాగా.. దీనిపై ఆ పార్టీ ఎంపీ రాఘవ్ చడ్డా శుక్రవారం స్పందించారు. తానేం తప్పు చేశానంటూ పార్టీని ప్రశ్నించారు. ఈ మేరకు ‘ఎక్స్’లో పోస్ట్ వీడియో సందేశం పోస్ట్ చేశారు.
“పార్లమెంటు (Parliament)లో మాట్లాడే అవకాశం వచ్చినప్పుడల్లా నేను ప్రజా సమస్యలను లేవనెత్తుతాను. నేను ఏదైనా నేరం చేశానా? నేను ఏదైనా తప్పు చేశానా? నేను ఏదైనా పొరపాటు చేశానా?” ప్రశ్నించారు. ఇలాంటి ప్రయత్నాలతో తన గళాన్ని అణచివేయగలరేమో గానీ.. తనను ఓడించలేరంటూ వీడియోలో పేర్కొన్నారు.
Silenced, not defeated
My message to the ‘aam aadmi’
—
खामोश करवाया गया हूँ, हारा नहीं हूँ
‘आम आदमी’ को मेरे संदेश pic.twitter.com/poUwxsu0S3
— Raghav Chadha (@raghav_chadha) April 3, 2026
Raghav Chadha AAP Controversy | ‘పార్లమెంట్లో మాట్లాడే అవకాశం ఇవ్వకూడదని
‘పార్లమెంట్లో నాకు మాట్లాడే అవకాశం ఇవ్వకూడదని మా పార్టీ రాజ్యసభ సక్రెటరీకి చెప్పింది. అందుకే ఈ రోజు నేను ఈ ప్రశ్నలు అడగాల్సి వచ్చింది’ అని పేర్కొన్నారు. ‘ఎయిర్పోర్టుల్లో ఆహార ధరలు, టోల్ ప్లాజా దోపిడీ (Toll Plaza Robbery), టెలికాం కంపెనీల రీఛార్జ్ విధానాలు, గిగ్ వర్కర్ల సమస్యలను లేవనెత్తితే.. అది ‘ఆప్’కే ప్రయోజనం కదా. దీనివల్ల పార్టీకి ఏం నష్టం జరుగుతోంది? ఎందుకు మాట్లాడకుండా అడ్డుకుంటున్నారు?’ అని ప్రశ్నించారు. ‘ఇలాంటి చర్యలతో నా గళాన్ని అణచివేయగలరేమో కానీ.. ఇది నా ఓటమి కాదు. ప్రజలు నా పక్షాన ఉన్నారు. వారికోసం ఎంత దూరమైనా వెళ్తా’ అని రాఘవ్ చడ్డా వ్యాఖ్యానించారు.
Raghav Chadha AAP Controversy | రాఘవ్ చడ్డా వ్యాఖ్యలపై స్పందించిన ఆప్ నేత
ఆప్ నాయకుడు సౌరభ్ భరద్వాజ్ (Saurabh Bharadwaj) ఒక వీడియో విడుదల చేవారు. చడ్డా కేవలం ‘సున్నితమైన అంశాలపై’ మాత్రమే దృష్టి సారిస్తున్నారని, వివాదాస్పద రాజకీయ విషయాలపై పార్టీకి మద్దతు ఇవ్వడం లేదని విమర్శించారు. పార్లమెంటులో ప్రధాని నరేంద్ర మోదీని, అధికార బీజేపీని ప్రశ్నించకపోవడం, నిరసనగా ఇతర ప్రతిపక్ష పార్టీలు సభ నుంచి వాకౌట్ చేసినప్పుడు ఆయన అలా చేయకపోవడంపై ప్రశ్నించారు. మద్యంపై ఎక్సైజ్ విధానం విషయంలో ఆప్ విమర్శల పాలైనప్పుడు ఆయన ఎక్కడ దాక్కున్నారని చడ్డాపై భరద్వాజ్ విమర్శించారు.
Just saw ur video Raghav bhai.
I just want to say – “जो डर गया, समझो मर गया” pic.twitter.com/cgXN9cI4aG
— Saurabh Bharadwaj (@Saurabh_MLAgk) April 3, 2026
ఇది కూడా చదవండి..: Women Reservation Bill | మూడు రోజులు పార్లమెంట్ ప్రత్యేక సమావేశాలు.. మహిళా రిజర్వేషన్ బిల్లుపై చర్చ
