అక్షరటుడే, వెబ్డెస్క్: Khanapur Chairperson Election | నిర్మల్ జిల్లా (Nirmal District) ఖానాపూర్ మున్సిపల్ ఛైర్పర్సన్ ఎన్నిక మరోసారి వాయిదా పడింది. రాష్ట్రవ్యాప్తంగా ఫిబ్రవరి 16న మున్సిపల్ ఛైర్మన్, వైస్ ఛైర్మన్ ఎన్నికలు నిర్వహించారు.
ఆ రోజు ఖానాపూర్లో ఎన్నిక (Municipal Chairperson Election) జరగలేదు. అనంతరం ఫిబ్రవరి 17న సైతం మరోసారి వాయిదా పడింది. దీంతో తాజాగా శనివారం మళ్లీ ఎన్నికలు నిర్వహించడానికి అధికారులు సిద్ధం అయ్యారు. అయితే కాంగ్రెస్ సభ్యుల ఆందోళనతో ఎన్నిక వాయిదా పడింది.రంగారెడ్డి జిల్లా ఇబ్రహీంపట్నంలో బీజీపీతో కలిసి పీఠాన్ని దక్కించుకున్న బీఆర్ఎస్ ఖానాపూర్లో సైతం అదే విధంగా చేయాలని చూసింది. అయితే ఇక్కడ బీజేపీకి బీఆర్ఎస్ సభ్యులు మద్దతు తెలిపారు. కానీ కాంగ్రెస్ సభ్యులు, ఎమ్మెల్యే వెడ్మ బొజ్జు నిరసన తెలపడంతో గందరగోళం నెలకొంది. దీంతో అధికారులు మరోసారి మున్సిపల్ ఛైర్పర్సన్ ఎన్నిక వాయిదా వేశారు.
Khanapur Chairperson Election | బీఆర్ఎస్, బీజేపీ ఆందోళన
మున్సిపల్ ఛైర్పర్సన్ అభ్యర్థిగా బీజేపీ కౌన్సిలర్ అంకం మౌనిక (BJP Councilor Ankam Mounika), వైస్ ఛైర్మన్గా బీఆర్ఎస్కు చెందిన షోయబ్ను ఆయా పార్టీల సభ్యులు ప్రతిపాదించారు. వారు విజయం సాధించానికి కావాల్సిన ఓట్లు ఉన్నట్లు తెలిసింది. అయితే కాంగ్రెస్ సభ్యుల ఆందోళనతో అధికారులు ఎన్నిక వాయిదా వేశారు. దీంతో మున్సిపల్ కార్యాలయంలో ఎన్నిక నిర్వహించిన గదిలో బైఠాయించి బీజేపీ, బీఆర్ఎస్ కౌన్సిలర్లు నిరసన తెలిపారు. కలెక్టర్ (Collector) రావాలని డిమాండ్ చేశారు.
ఇది కూడా చదవండి..: Paddy Procurement Supplies | గోనె సంచులు, లారీల కొరత లేకుండా చూడాలి: ఎమ్మెల్యే పోచారం
