అక్షరటుడే,హైదరాబాద్ : Milk and Curd | ఎండలు ముదిరితే చాలు.. గృహిణులకు ఎదురయ్యే ప్రధాన సమస్య పాలు, పెరుగు పాడైపోవడం. అధిక ఉష్ణోగ్రతల వల్ల పాలలోని బ్యాక్టీరియా వేగంగా వృద్ధి చెంది, పాలు త్వరగా విరిగిపోయేలా చేస్తుంది. అయితే కొన్ని జాగ్రత్తలు తీసుకుంటే పాలను ఎక్కువ సేపు పాడవకుండా కాపాడుకోవచ్చు. ఆ చిట్కాలు ఏంటో ఇప్పుడు చూద్దాం..
Milk and Curd | తెచ్చిన వెంటనే మరిగించడం :
చాలామంది పాలు తెచ్చాక తీరికగా మరిగించుదామని పక్కన పెడుతుంటారు. కానీ వేసవిలో ఇది అస్సలు మంచిది కాదు. బయట ఉండే వేడి వల్ల పాలు తెచ్చే దారిలోనే పాడయ్యే అవకాశం ఉంటుంది. అందుకే పాలు తెచ్చిన వెంటనే మరిగించడం ఉత్తమం. ఎండలు ఎక్కువగా ఉన్నప్పుడు ఉదయం, సాయంత్రం రెండు సార్లు పాలను వేడి చేయడం వల్ల అవి ఎక్కువ సేపు నిల్వ ఉంటాయి.
Milk and Curd | పాత్రల పరిశుభ్రత:
పాలు మరిగించే గిన్నెలు ఏమాత్రం సరిగ్గా లేకపోయినా పాలు విరిగిపోతాయి. పాలను మరిగించే ముందు పాత్రను నీటితో శుభ్రంగా కడిగి వాడాలి. ముఖ్యంగా స్టెయిన్లెస్ స్టీల్ (Stainless Steel) పాత్రలను వాడటం వల్ల శుభ్రం చేయడం సులభం అవుతుంది. పాత పాలు లేదా తేమ పాత్రలో ఉంటే బ్యాక్టీరియా చేరే ప్రమాదం ఉంది కాబట్టి, ఎప్పుడూ పొడిగా ఉన్న శుభ్రమైన పాత్రలనే వాడండి.
Milk and Curd | ఫ్రిజ్లో సరైన చోట నిల్వ :
పాలు వేడి చేసిన తర్వాత అవి గది ఉష్ణోగ్రతకు చల్లారగానే వెంటనే ఫ్రిజ్ (Fridge)లో పెట్టాలి. అయితే చాలామంది పాలను ఫ్రిజ్ డోర్ అరల్లో పెడుతుంటారు. మనం ఫ్రిజ్ పదేపదే తీయడం వల్ల అక్కడ ఉష్ణోగ్రత మారుతూ ఉంటుంది. అందుకే పాలను ఫ్రిజ్ లోపల వైపు లేదా డీ ఫ్రిజ్ దగ్గర ఉంచడం వల్ల పాలు ఎక్కువ కాలం తాజాగా ఉంటాయి.
Milk and Curd | బేకింగ్ సోడా మంత్రం
ఒకవేళ పాలు విరిగిపోయేలా ఉన్నాయని మీకు అనిపిస్తే.. అందులో చిటికెడు బేకింగ్ సోడా (Baking Soda) కలపండి. ఇది పాలలోని ఆమ్లత్వాన్ని తగ్గించి పాలు విరగకుండా కాపాడుతుంది. అయితే ఇది చాలా తక్కువ పరిమాణంలోనే వాడాలి, లేదంటే పాల రుచి మారిపోయే అవకాశం ఉంది.
ఈ చిన్నపాటి జాగ్రత్తలు పాటిస్తే వేసవిలో పాల వృథాను అరికట్టవచ్చు. పాలు చల్లారిన వెంటనే ఆలస్యం చేయకుండా ఫ్రిజ్లో పెట్టడం మాత్రం మర్చిపోవద్దు.
ఇది కూడా చదవండి..: Bottle Gourd Benefits | ఒంట్లో కొవ్వును వెన్నలా కరిగించే సూపర్ ఫుడ్.. దీని పవర్ తెలిస్తే వావ్ అనకుండా ఉండలేరు!
