Enugu Narasimha Reddy | కళానిధి.. ఏనుగు నరసింహారెడ్డి

Enugu Narasimha Reddy |ఐఏఎస్ అధికారి, తెలంగాణ సాంస్కృతిక శాఖ సంచాలకులు, కవి డాక్టర్​ ఏనుగు నరసింహారెడ్డికి జన్మదిన శుభాకాంక్షలతో..

Enugu Narasimha Reddy | కళానిధి – ఏనుగు నరసింహారెడ్డి

ఓ కవీ..! కళానిధి..! నీ కవితాశైలి అమోఘం..!

నీ నటనా కౌశలం అత్యద్భుతం..!

కను చెమర్చేను నిన్ను కన్నతల్లి ఆనందమై..

పుడమి ఉప్పొంగేను గర్వమై..

కవితా ప్రపంచాన క్రాంతదర్శివి..

నూతన కవుల కరదీపికవి..

నీ జీవన సౌరభాలే భావితరాలకు దిక్సూచి..

నీ విజయ పరంపరలే భుజం తట్టే చైతన్య దీప్తి..

నీ సంకల్పబలం ముందు పేదరికం పేదదయింది..

కష్టాలు కష్టాల పాలయ్యాయి..

నీ ఆత్మస్థైర్యం ముందు అడ్డంకులన్నీ తల వంచుకున్నాయి..

తెలుగుభాష నిన్ను దత్తపుత్రుణ్ణి చేసుకుంది..

పదవులు నిన్ను కోరి వరించాయి..

ఆహార్యంలో రాజసం ఉట్టిపడుతున్నా..

ఆత్మీయతలో నిన్ను మించగలరా ఎవరైనా..

డాబూ దర్పమెరుగని స్నేహశీలివి..

మేరుపర్వతమైనా చిన్న రేణువునని చెప్పుకునే సంస్కారివి..

నువ్వు పాదం మోపితే వేదిక మురిసిపోతుంది..

వేడుక మిన్ను చేరుతుంది..

నువ్వు కవిత్వం చెబుతుంటే కళామతల్లి

వేదికపై కూర్చుని పరవశిస్తుంది..

మాటమాటలో మానవత్వపు సిరులు

జాలువారుతాయి..

విజ్ఞాన వీచికలు అందరి మనస్సులను ఆవరిస్తాయి..

సాహితీ ప్రపంచం కరతాళ ధ్వనులతో

నిను సన్మానించుకుంటుంది..

– కందాళ పద్మావతి (9010887566)

ఇది కూడా చదవండి..: Middle East War | మధ్యప్రాచ్యంలో యుద్ధం.. ‘హాహాకారాలు.. ఆర్తనాదాలు..’