అక్షరటుడే, వెబ్డెస్క్ : Cyanide Murder Case | మీరట్ జిల్లా (Meerut District)లోని దౌరాలాలో చోటుచేసుకున్న ముగ్గురు వ్యక్తుల మృతి కేసు దర్యాప్తులో షాకింగ్ నిజాలు వెలుగులోకి వచ్చాయి. తొలుత కల్తీ మద్యం కారణంగా జరిగిన ప్రమాదంగా భావించిన ఈ ఘటన, వాస్తవానికి పక్కా ప్లాన్తో చేసిన హత్యగా పోలీసులు తేల్చారు.
మృతుడు అంకిత్ అలియాస్ దౌలత్ను హతమార్చేందుకు అతని సోదరి అల్కా, ఆమె ప్రియుడు పవన్ కలిసి కుట్ర పన్నారు. వీరికి సైనేడ్ను సరఫరా చేసిన స్వర్ణకారుడు అశోక్ అలియాస్ సోనీని కూడా పోలీసులు అరెస్ట్ చేశారు. కేవలం రూ.500కే అశోక్ ఈ ప్రాణాంతక విషాన్ని ఇచ్చినట్లు విచారణలో వెల్లడైంది.
Cyanide Murder Case | మద్యం ప్యాకెట్లో సైనేడ్ కలిపి..
మొదట అంకిత్ ఆహారంలో సైనేడ్ కలపాలని ప్లాన్ చేసినా, భయంతో అల్కా ఆ ప్రయత్నాన్ని వదిలేసింది. తర్వాత పవన్ కొత్త ప్లాన్ అమలు చేశాడు.ఒక యువకుడి ద్వారా దేశీ మద్యం టెట్రా ప్యాక్ కొనిపించి, దాన్ని ఓపెన్ చేసి అందులో సైనేడ్ కలిపాడు. తర్వాత ఎలాంటి అనుమానం రాకుండా తిరిగి ప్యాక్ చేసి అంకిత్కు అందించాడు.మద్యం అలవాటు ఉన్న అంకిత్, ఆ ప్యాకెట్ను తీసుకుని తన స్నేహితులు బాబురామ్, జితేంద్రతో కలిసి తాగాడు. కొద్దిసేపటికే ముగ్గురూ అస్వస్థతకు గురై కుప్పకూలిపోయారు. ఆస్పత్రిలో చికిత్స పొందుతూ ముగ్గురూ ప్రాణాలు కోల్పోయారు. మొదట ఇది కల్తీ మద్యం (Adulterated liquor) ఘటనగా అనుమానించిన పోలీసులు, పోస్టుమార్టం నివేదికలో సైనేడ్ ఉన్నట్లు గుర్తించారు. అదే దుకాణం నుంచి మద్యం కొనుగోలు చేసిన ఇతరులకు ఎలాంటి సమస్యలు రాకపోవడంతో అనుమానం మరింత బలపడింది.
Cyanide Murder Case | పోలీసులు ఈ కుట్రను ఛేదించారు
దీంతో ప్రత్యేక దర్యాప్తు ప్రారంభించిన పోలీసులు, చివరకు ఈ కుట్రను ఛేదించారు. దర్యాప్తులో వెల్లడైన వివరాల ప్రకారం, అంకిత్ ప్రతిరోజూ మద్యం తాగి వచ్చి తన సోదరిని వేధించేవాడు. అల్కా – పవన్ ప్రేమను కూడా అతను తీవ్రంగా వ్యతిరేకించేవాడు. ఇటీవల అతని ప్రవర్తన మరింత దారుణంగా మారడంతో, ఇద్దరూ కలిసి అతడిని తొలగించాలనే నిర్ణయం తీసుకున్నట్లు పోలీసులు తెలిపారు. పవన్ మొబైల్ ఫోన్ను స్వాధీనం చేసుకున్న పోలీసులు కీలక ఆధారాలను గుర్తించారు. గూగుల్లో “సైనేడ్ ఎక్కడ దొరుకుతుంది?”, “విషం ఎలా ఇవ్వాలి?” వంటి సెర్చ్లు చేసిన రికార్డులు బయటపడ్డాయి. ఈ డిజిటల్ ఆధారాలు కేసు ఛేదనలో కీలకంగా మారాయి. నిందితులను పోలీసులు అదుపులోకి తీసుకుని విచారించగా, వారు నేరాన్ని ఒప్పుకున్నారు. వారిపై హత్య, నేరపూరిత కుట్ర కేసులు నమోదు చేసి తదుపరి దర్యాప్తు కొనసాగిస్తున్నారు.
ఇది కూడా చదవండి..: Kerala Techie Missing Case | నాలుగు రాత్రులు అడవిలో మృత్యువుతో పోరాటం.. కొడగు కొండల్లో కేరళ మహిళ అద్భుతం
