అక్షరటుడే, వెబ్డెస్క్: US Iran Ceasefire | పశ్చిమాసియాలో ఉద్రిక్తతలు తగ్గే సూచనలు కనిపిస్తున్నాయి. ఈ మేరకు ఇరాన్, అమెరికా (America) కాల్పుల విరమణ దిశగా అడుగులు వేస్తున్నట్లు సమాచారం. యుద్ధానికి ముగింపు పలికే లక్ష్యంతో ఒక ప్రతిపాదనపై అమెరికా, ఇరాన్ సమీక్షిస్తున్నాయి. తాత్కాలిక కాల్పుల విరమణలో భాగంగా హర్ముజ్ జలసంధిని (Strait of Hormuz) తెరవబోమని టెహ్రాన్ స్పష్టం చేసింది.
పశ్చిమాసియాలో నెల రోజులకు పైగా యుద్ధం కొనసాగుతోంది. దీంతో ఇరాన్, అమెరికా, ఇజ్రాయెల్తో పాటు గల్ఫ్ దేశాలు తీవ్రంగా నష్టపోయాయి. మరోవైపు చమురు, గ్యాస్ ధరలు పెరిగి అనేక దేశాలు ఆర్థిక సంక్షోభంలోకి వెళ్లాయి. ఈ క్రమంలో అమెరికా, ఇరాన్ కాల్పుల విరమణ దిశగా అడుగులు వేస్తుండటం గమనార్హం. తాజా ప్రణాళిక ప్రకారం తక్షణ కాల్పుల విరమణ, ఆ తర్వాత విస్తృతమైన, సమగ్రమైన ఒప్పందంతో కూడిన రెండు దశల ప్రక్రియ ఉంటుంది. పాకిస్థాన్, తుర్కియే, ఈజిప్టు దేశాలు అమెరికా, ఇరాన్ మధ్య చర్చలకు మధ్యవర్తిత్వం వహిస్తున్నాయి.
US Iran Ceasefire | హర్ముజ్ కీలకం
ఇరాన్ (Iran) ప్రస్తుతం హర్ముజ్ జలసంధిని మూసి వేసింది. దీంతో అనేక నౌకలు నిలిచిపోయాయి. చమురు, గ్యాస్ సరఫరాలో అంతరాయం నెలకొంది. ఈ క్రమంలో హర్ముజ్ జలసంధిని తెరవాలని అమెరికా డిమాండ్ చేస్తోంది. మంగళవారంలోపు దానిని ఓపెన్ చేయకపోతే దాడులు చేస్తామని ట్రంప్ (Trump) హెచ్చరించిన విషయం తెలిసిందే. అయితే తాత్కాలిక కాల్పుల విరణమలో భాగంగా జలసంధిని తెరవడానికి ఇరాన్ అంగీకరించడం లేదని సమాచారం.
US Iran Ceasefire | 45 రోజులు..
మధ్యప్రాచ్యంలోని సంఘర్షణకు శాశ్వత ముగింపు పలికేందుకు రెండు దశల ఒప్పందంలో భాగంగా అమెరికా, ఇరాన్, ప్రాంతీయ మధ్యవర్తులు 45 రోజుల కాల్పుల విరమణను పరిశీలిస్తున్నారని సమాచారం. మంగళవారం నాటికి టెహ్రాన్ ఒప్పందానికి అంగీకరించి, జలసంధిని తిరిగి తెరవకపోతే ఇరాన్ ఇంధన, రవాణా మౌలిక సదుపాయాలపై దాడి చేస్తామని డొనాల్డ్ ట్రంప్ హెచ్చరించిన కొన్ని గంటల తర్వాత ఈ పరిణామం చోటుచేసుకుంది. తాజా ప్రతిపాదనలపై అమెరికా, ఇరాన్లు నిర్ణయం తీసుకోవాల్సి ఉంది.
ఇది కూడా చదవండి..: US Israel Attack | ఇరాన్పై అమెరికా–ఇజ్రాయెల్ దాడులు.. 17 మంది మృతి
