అక్షరటుడే, వెబ్డెస్క్ : Stock Market Gains | హార్మూజ్ జలసంధి (Strait of Hormuz)ని తెరవకపోతే అత్యంత తీవ్ర స్థాయిలో విరుచుకుపడతామని, నరకం చూపిస్తామని అమెరికా అధ్యక్షుడు డొనాల్డ్ ట్రంప్ (Donald Trump) ఇరాన్ను బెదిరించడంతో స్టాక్ మార్కెట్లు మొదట్లో తీవ్ర ఒత్తిడికి గురయ్యాయి. అయితే అమెరికా, ఇరాన్ల మధ్య సీజ్ ఫైర్పై ఆశలు చిగురించడంతో స్టాక్ మార్కెట్లు (Stock Markets) కోలుకున్నాయి. బ్యాంకింగ్, ఫైనాన్షియల్, కన్జూమర్ డ్యూరెబుల్ రంగాల షేర్లు రాణించాయి.
Stock Market Gains | ఒడిదుడుకుల మధ్య సాగి..
దేశీయ స్టాక్ మార్కెట్ (Domestic Stock Market) ఉదయం సెషన్లో ఒడిదుడుకుల మధ్య సాగింది. సోమవారం ఉదయం సెన్సెక్స్ 158 పాయింట్లు, నిఫ్టీ 67 పాయింట్ల లాభంతో ప్రారంభమయ్యాయి. తర్వాత వెంటనే నష్టాల్లోకి జారుకున్నాయి. ఉదయం 11 గంటల తర్వాత మార్కెట్లలో రికవరీ వచ్చింది. ఇంట్రాడేలో సెన్సెక్స్ 72,728 నుంచి 74,207 పాయింట్ల మధ్యలో, నిఫ్టీ 22,542 నుంచి 22,998 పాయింట్ల మధ్యలో కదలాడాయి. చివరికి చివరికి సెన్సెక్స్ 787 పాయింట్ల లాభంతో 74,106 వద్ద, నిఫ్టీ 255 పాయింట్ల లాభంతో 22,968 వద్ద స్థిరపడ్డాయి.
Stock Market Gains | ఆయిల్ అండ్ గ్యాస్, ఎనర్జీ సెక్టార్లు మినహా..
ఆయిల్ అండ్ గ్యాస్, ఎనర్జీ, మీడియా సెక్టార్లు మినహా మిగిలిన అన్ని రంగాల ఇండెక్స్లు లాభాలతో ముగిశాయి. కన్జూమర్ డ్యూరెబుల్స్ 2.30 శాతం, రియాలిటీ 2.23 శాతం, ఫైనాన్షియల్ సర్వీసెస్ 2.12 శాతం, బ్యాంక్ నిఫ్టీ 2.06 శాతం లాభపడగా.. ఆయిల్ అండ్ గ్యాస్ ఇండెక్స్ 1.37 శాతం, ఎనర్జీ 1.03 శాతం, మీడియా 0.22 శాతం నష్టపోయాయి.
Stock Market Gains | అడ్వాన్సెస్ అండ్ డిక్లయిన్స్..
బీఎస్ఈలో నమోదైన కంపెనీలలో 3,207 కంపెనీలు లాభపడగా 1,147 స్టాక్స్ నష్టపోయాయి. 190 కంపెనీలు ఫ్లాట్గా ముగిశాయి. 78 కంపెనీలు 52 వారాల గరిష్టాల వద్ద ఉండగా.. 89 కంపెనీలు 52 వారాల కనిష్టాల వద్ద కదలాడాయి.
Top Gainers : బీఎస్ఈ సెన్సెక్స్లో 27 కంపెనీలు లాభాలతో, 3 కంపెనీలు నష్టాలతో ముగిశాయి. ట్రెంట్ 7.89 శాతం, యాక్సిస్ బ్యాంక్ 3.94 శాతం, టైటాన్ 3.58 శాతం, ఎల్టీ 3.19 శాతం, అల్ట్రాటెక్ సిమెంట్ 3.06 శాతం లాభపడ్డాయి.
Losers : రిలయన్స్ 3.41 శాతం, హెచ్సీఎల్ టెక్ 0.20 శాతం, సన్ఫర్మా 0.08 శాతం నష్టపోయాయి
ఇది కూడా చదవండి..: April 06 Pre Market Analysis | మిక్స్డ్గా గ్లోబల్ మార్కెట్లు.. గ్యాప్ డౌన్ ఓపెనింగ్ను సూచిస్తున్న గిఫ్ట్ నిఫ్టీ
