అక్షరటుడే, వెబ్డెస్క్ : Trump Iran War Warning | పశ్చిమాసియా యుద్ధంలో నేడు ఏం జరుగుతుందోనని ప్రపంచం ఉత్కంఠతో ఎదురు చూస్తుంది. మంగళవారం రాత్రిలోపు హర్ముజ్ జలసంధి (Strait of Hormuz)ని తెరవకపోతే ఇరాన్లోని వంతెనలు, పవర్ ప్లాంట్లను ధ్వంసం చేస్తామని ట్రంప్ హెచ్చరించిన విషయం తెలిసిందే. మరోవైపు తమ మౌలిక వసతులపై దాడి చేస్తే తీవ్ర పరిణామాలు ఉంటాయని ఇరాన్ సైతం వార్నింగ్ ఇచ్చింది.
అమెరికా అధ్యక్షుడు డోనాల్డ్ ట్రంప్ (Donald Trump) మాట్లాడుతూ.. డెడ్లైన్ తర్వాత ఇరాన్లో పవర్ ప్లాంట్స్, బ్రిడ్జిలు ఉండవన్నారు. నాలుగు గంటల్లో ఆ దేశంలోని పవర్ ప్లాంట్స్, వంతెనలు పేల్చేయగలమని చెప్పారు. ఆ దేశంలో నేవీ, ఎయిర్ఫోర్స్, డిఫెన్స్ సిస్టమ్ లేదన్నారు. యుద్ధంలో దక్షిణ కొరియా, జపాన్, ఆస్ట్రేలియా తమకు సహకరించడం లేదని పేర్కొన్నారు. ఇప్పటికే తాము విజయం సాధించామని చెప్పారు.
Trump Iran War Warning | దేశాన్ని నాశనం చేయొచ్చు
ఒక్క రాత్రిలోనే ఆ దేశం మొత్తాన్ని నాశనం చేయవచ్చు, ఆ రాత్రి నేడే కావొచ్చని ట్రంప్ అన్నారు. ఇరాన్ (Iran)కు తాను ఇప్పటికే కావాల్సినంత గడువు ఇచ్చినట్లు చెప్పారు. మంగళవారం రాత్రి 8 గంటల వరకు ఇరాన్ ఒప్పందానికి ముందుకు రావాలన్నారు. లేకపోతే రాత్రి 12 గంటల వరకు ప్రతి వంతెన ధ్వంసం చేస్తామని, ప్రతి విద్యుత్ కేంద్రం కాలిపోతూ, పేలిపోతూ పనికిరాకుండా పోతుందన్నారు. అయితే అది తనకు ఇష్టం లేదన్నారు. తాము మౌలిక వసతులను ధ్వంసం చేస్తే వాటిని పునర్నిర్మించడానికి ఆ దేశానికి 20 ఏళ్ల సమయం పడుతుందన్నారు. పునర్నిర్మాణం కోసం అమెరికా సాయం చేయాల్సి ఉంటుందని, అందుకే దాడులు చేయడం తనకు ఇష్టం లేదని ట్రంప్ చెప్పారు.
ఇది కూడా చదవండి..: Panama Canal Explosion | పనామా కాలువ బ్రిడ్జి సమీపంలో భారీ పేలుడు
