Government School Admissions | ప్రభుత్వ పాఠశాలలో ప్రవేశాలకు పోటీ.. భారీగా తరలివచ్చిన తల్లిదండ్రులు

అక్షరటుడే, వెబ్​డెస్క్: Government School Admissions | ప్రభుత్వ పాఠశాలలో ప్రవేశాల కోసం విద్యార్థుల తల్లిదండ్రులు పెద్ద ఎత్తున తరలి వచ్చారు. ఈ నల్గొండ జిల్లా (Nalgonda District) కేంద్రంలో చోటు చేసుకుంది.

రాష్ట్రంలో చాలా ప్రభుత్వ పాఠశాలల్లో సరైన అడ్మిషన్లు ఉండటం లేదు. తల్లిదండ్రులు తమ పిల్లలను ప్రైవేట్ బడికి పంపడానికి మొగ్గు చూపుతున్నారు. సర్కార్​ బడుల్లో వసతులు ఉన్నా.. ప్రైవేట్​కే పంపుతున్నారు. 90 శాతం మంది ప్రభుత్వ టీచర్లు (Government Teachers) సైతం తమ పిల్లలను ప్రైవేట్​ పాఠశాలలకు పంపుతున్నారు. అయితే కొన్ని ప్రభుత్వ బడుల్లో మాత్రం వంద శాతం అడ్మిషన్లు అవుతున్నాయి.

Government School Admissions | భారీగా బారులు

నల్గొండలోని కోమటిరెడ్డి ప్రతీక్ ప్రభుత్వ పాఠశాలకు అడ్మిషన్ల తాకిడి నెలకొంది. వచ్చే విద్యా సంవత్సరం ప్రవేశాల కోసం ఉపాధ్యాయులు దరఖాస్తులు స్వీకరిస్తున్నారు. అడ్మిషన్ల కోసం డిమాండ్ భారీగా పెరగడంతో తల్లిదండ్రులు తెల్లవారుజాము నుంచే బడి ఎదుట బారులు తీరుతున్నారు. మంత్రి కోమటిరెడ్డి వెంకట్​రెడ్డి (Minister Komatireddy Venkat Reddy) తన కుమారుడు ప్రతీక్​ జ్ఞాపకార్థం ఈ బడిని అభివృద్ధి చేశారు. తన ట్రస్ట్ ద్వారా రూ. 8 కోట్లు వెచ్చించి ఈ పాఠశాలను ఆధునీకరించారు. ఇందులో 36 ఏసీ స్మార్ట్ తరగతి గదులు, AI-ఆధారిత బోధన, డిజిటల్ ల్యాబ్‌ (Digital Lab)లను ఏర్పాటు చేశారు.

Government School Admissions | కార్పొరేట్​ స్థాయి విద్య

ఆంగ్ల, ఉర్దూ మీడియంలలో బోధనతో పాటు క్రీడా సౌకర్యాలను కూడా ఏర్పాటు చేశారు. బడిలో ఆధునిక వసతులు ఉండటంతో తల్లిదండ్రులు తమ పిల్లలను చేర్పించడానికి పోటీ పడుతున్నారు. ఈ బడి పేద, మధ్యతరగతి పిల్లలకు ప్రైవేట్ పాఠశాలల స్థాయి విద్యను ఉచితంగా అందిస్తుండటంతో తల్లిదండ్రులు అడ్మిషన్ల కోసం బారులు తీరుతున్నారు. మిగతా పాఠశాలల్లో సైతం ఇలాంటి వసతులు కల్పిస్తే.. తల్లిదండ్రులు తమ పిల్లలను ప్రభుత్వ బడులకు పంపడానికి మొగ్గు చూపుతారు.

#Nalgonda Govt School sees massive demand #Parents are lining up from early morning for admissions at #KomatireddyPrateek Government School in Nalgonda, Telangana, as demand surges.

The school was rebuilt with ₹8 crore by Minister & Congress MLA @KomatireddyKVR through his… pic.twitter.com/o7SP6YyIlK

— NewsMeter (@NewsMeter_In) April 7, 2026

ఇది కూడా చదవండి..: Adilabad Airport | త్వరలో ఆదిలాబాద్​ ఎయిర్​పోర్టు : సీఎం రేవంత్​రెడ్డి