అక్షరటుడే, కామారెడ్డి: Liquor Ban Resolution | గత రెండు రోజుల క్రితం కామారెడ్డి మండలం (Kamareddy Mandal) రాఘవాపూర్ గ్రామంలో ప్రభుత్వ పాఠశాల ఆవరణలో బెల్ట్ షాప్ నిర్వహణకు టెండర్ వేశారన్న ప్రచారం సాగింది. అయితే ఆ ప్రచారం వట్టిదేనని గ్రామస్థులు నిరూపించారు. గ్రామ పంచాయతీ కార్యాలయం ఆవరణలో మంగళవారం గ్రామస్థులంతా కలిసి సర్పంచ్ ఎడ్ల వినీల నరేష్ ఆధ్వర్యంలో మద్యపాన నిషేధంపై ప్రత్యేక సమావేశం నిర్వహించారు.
Liquor Ban Resolution | మద్యం విక్రయాలు బంద్..
సమావేశంలో భాగంగా గ్రామంలో (Raghavapur Village) అక్రమంగా మద్యం విక్రయాన్ని నిషేధిస్తూ ఏకగ్రీవంగా తీర్మానించారు. తీర్మానాన్ని వ్యతిరేకించి ఎవరైనా మద్యం విక్రయాలు జరిపితే రూ.50వేలు జరిమానా విధిస్తామని, మద్యం సేవించిన వారికి రూ.10వేలు జరిమానా విధిస్తూ తీర్మానం చేశారు. ఈ సందర్భంగా సర్పంచ్ వినీల నరేష్ మాట్లాడుతూ.. గ్రామంలో యువత, రోజువారీ కూలీలు మద్యం తాగి అనారోగ్యానికి గురవుతున్నారని, యువత చెడుమార్గం వైపు వెళ్లకుండాడ తీర్మానం చేయడం జరిగిందని పేర్కొన్నారు. బుధవారం నుంచి తీర్మానం అమలులో ఉంటుందన్నారు. సంబంధిత తీర్మానం కాపీలను తహశీల్దార్, పోలీసులు, ఎక్సైజ్ అధికారులకు (Excise Officers) ఇవ్వడం జరుగుతుందని చెప్పారు. సమావేశంలో ఉప సర్పంచ్ గుగ్లోత్ నరేష్, వార్డు మెంబర్లు గుగ్లోత్ సుజాత, కిషన్, గుగ్లోత్ వసంత, గ్రామ సంఘం అధ్యక్షురాలు మంద లక్ష్మి, గ్రామస్థులు సిద్దయ్య, ఈర్యా నాయక్, భాష, లక్ష్మణ్, రామాగౌడ్, స్వామి, రవి, శేఖర్ తదితరులు పాల్గొన్నారు.
ఇది కూడా చదవండి..: Crop Compensation Demand | కలెక్టరేట్ను ముట్టడించిన రైతులు.. పంట నష్టపరిహారం చెల్లించాలని డిమాండ్..
