అక్షరటుడే, వెబ్డెస్క్ : ACB Raids Municipal | జగిత్యాల (Jagtial) మున్సిపల్ కార్యాలయంలో మంగళవారం ఏసీబీ అధికారులు సోదాలు చేపట్టారు. పలు విభాగాల అధికారులపై అవినీతి ఆరోపణలు రావడంతో ఆకస్మికంగా తనిఖీలు చేపట్టారు.
మున్సిపల్లోని టౌన్ ప్లానింగ్, రెవెన్యూ, శానిటేషన్ తదితర విభాగాల్లో తనిఖీలు కొనసాగుతున్నాయి. కార్యాలయ సిబ్బంది ఫోన్లను అధికారులు తీసుకున్నారు. ఏసీబీ డీఎస్పీ (ACB DSP) విజయకుమార్ ఆధ్వర్యంలో తనిఖీలు చేపట్టారు. కాగా ఇటీవల కామారెడ్డి మున్సిపల్ కార్యాలయంలో సైతం ఏసీబీ దాడులు చేపట్టిన విషయం తెలిసిందే. భారీగా అక్రమాలు జరిగినట్లు గుర్తించారు.
ACB Raids Municipal | జోరుగా అవినీతి
రాష్ట్రంలోని పలు మున్సిపల్ కార్యాలయాలు అవినీతి కేంద్రాలుగా మారాయి. ఆయా బల్దియాల్లో అధికారులు అందినకాడికి దండుకుంటున్నారు. సామాన్యుల నుంచి మొదలు పెడితే కాంట్రాక్టర్ల వరకు అందరిని లంచాలు అడుగుతున్నారు. ముఖ్యంగా భవన నిర్మాణ అనుమతుల విషయంలో పెద్ద ఎత్తున అక్రమాలు చోటు చేసుకుంటున్నాయి. ఈ క్రమంలో మున్సిపల్ ఆఫీసులపై వరుసగా ఏసీబీ దాడులు జరుగుతుండం గమనార్హం. ఏసీబీ (ACB) తనిఖీలతో అవినీతి అధికారులు ఆందోళన చెందుతున్నారు.
ఇది కూడా చదవండి : Harish Rao Arrest | మాజీ మంత్రి హరీశ్రావు అరెస్టు
