అక్షరటుడే, వెబ్డెస్క్ : Caught by ACB | విత్తన లైసెన్స్ జారీ కోసం లంచం డిమాండ్ చేసిన ఓ ప్రొఫెసర్ను ఏసీబీ అధికారులు రెడ్ హ్యాండెడ్గా పట్టుకున్నారు. ఈ ఘటన హైదరాబాద్ నగరంలో చోటు చేసుకుంది.
నగరంలోని రాజేంద్రనగర్లో గల ప్రొఫెసర్ జయశంకర్ తెలంగాణ వ్యవసాయ విశ్వవిద్యాలయం (Agricultural University) వ్యవసాయ కళాశాల, అగ్రోనమీ అసోసియేట్ డీన్గా డాక్టర్ ఎం. గోవర్ధన్ పని చేస్తున్నాడు. అతడు ఓ వ్యక్తికి విత్తన లైసెన్స్ (Seed License) జారీ చేయడం, విత్తన వ్యాపారంలో వ్యవసాయ శాఖ నుంచి ఆటంకాలు ఉండకుండా చూసుకుంటానని లంచం డిమాండ్ చేశారు. గతంలో రూ.25 వేలు తీసుకున్నాడు. మళ్లీ అదనంగా రూ.లక్ష లంచం అడిగాడు. దీంతో బాధితుడు ఏసీబీ అధికారులకు ఫిర్యాదు చేశాడు. ఈ క్రమంలో మంగళవారం ఫిర్యాదుదారుడి నుంచి లంచం తీసుకుంటుండగా.. అధికారులు డీన్ గోవర్ధన్ను వల పన్ని పట్టుకున్నారు. అనంతరం అతడి కార్యాలయంలో సోదాలు చేశారు. కేసు నమోదు చేసి నిందితుడిని అరెస్ట్ చేశారు.
Caught by ACB | లంచం ఇవ్వొద్దు
ప్రభుత్వ అధికారులు లంచం డిమాండ్ చేస్తే ఇవ్వొద్దని ఏసీబీ అధికారులు కోరుతున్నారు. వారిపై చట్ట ప్రకారం చర్య తీసుకోవడం కోసం ఏసీబీ టోల్ ఫ్రీ నంబర్ 1064కు ఫోన్ చేయాలని కోరారు. ఏసీబీ తెలంగాణను వాట్సాప్ (9440446106), వెబ్సైట్ (ACB Website) ద్వారా కూడా ఫిర్యాదు చేయొచ్చని వివరించారు. ఫిర్యాదుదారుడి వివరాలు గోప్యంగా ఉంచుతామన్నారు.
దీనిని కూడా చదవండి : ACB Raids Municipal | మున్సిపల్ కార్యాలయంలో ఏసీబీ సోదాలు
