అక్షరటుడే, వెబ్డెస్క్ : Trump Iran Ceasefire | అమెరికా–ఇరాన్ కాల్పుల విరమణపై సోషల్ మీడియా (Social Media) వేదికగా అమెరికా అధ్యక్షుడు డోనాల్డ్ ట్రంప్ స్పందించారు. ప్రపంచ శాంతికి ఇదొక గొప్ప రోజు అంటూ పోస్ట్ చేశారు. పశ్చిమాసియాలో ఇది సువర్ణాధ్యాయం కాబోతుందంటూ వ్యాఖ్యానించారు.
నెల రోజులకు పైగా రగులుతున్న పశ్చిమాసియాలో ఉద్రిక్తతలు చల్లబడ్డాయి. రెండు వారాల సీజ్ఫైర్కు ఇరాన్, అమెరికా అంగీకరించడంతో ప్రపంచ వ్యాప్తంగా ప్రజలు ఊపిరి పీల్చుకున్నారు. మంగళవారం రాత్రి ఇరాన్ (Iran) పై పెద్ద ఎత్తున దాడులు చేస్తామని, నాగరికతను అంతం చేస్తామని ట్రంప్ (Donald Trump) ప్రకటించడంతో ఏం జరుగుతుందోనని అంత భయపడ్డారు. అయితే ఇరు దేశాలు ప్రాథమిక చర్చల అనంతరం సీజ్ఫైర్కు అంగీకరించాయి. ఈ నెల 10న ఇస్లామాబాద్ వేదికగా అమెరికా, ఇరాన్ చర్చలు జరపనున్నాయి. యుద్ధం శాశ్వత ముగింపుపై నిర్ణయం తీసుకోనున్నారు.
Trump Iran Ceasefire | సానుకూల చర్యలు
ప్రపంచ శాంతికి ఇది ఒక గొప్ప రోజు! ఇది జరగాలని ఇరాన్ కోరుకుంటోంది, వారికి ఇక చాలు అనిపించింది! అలాగే, మిగతా అందరికీ కూడా అని ట్రంప్ తన సోషల్ మీడియా ఖాతాలో పోస్ట్ చేశారు. హర్ముజ్ జలసంధిలో రద్దీని నియంత్రించడంలో, కాల్పుల విరమణ కాలంలో స్థిరత్వాన్ని నిర్ధారించడంలో యునైటెడ్ స్టేట్స్ సహాయపడుతుందని తెలిపారు. చాలా సానుకూల చర్యలు ఉంటాయని పేర్కొన్నారు. ఇరాన్ పునర్నిర్మాణ ప్రయత్నాలను ప్రారంభించవచ్చని సూచించారు. ఈ ఒప్పందం నిలబడేలా చూడటానికి అమెరికా (America) అన్ని రకాల సామగ్రిని పంపిస్తుందని, అక్కడే ఉంటుందని అన్నారు. అది నిలబడుతుందని తనకు నమ్మకం ఉందని ధీమా వ్యక్తం చేశారు.
ఇది కూడా చదవండి..: Iran Ceasefire Deal | ఇరాన్పై దాడులు తాత్కాలికంగా నిలిపివేత.. రెండు వారాల కాలపరిమితి ప్రకటించిన ట్రంప్
