అక్షరటుడే, వెబ్డెస్క్: Stock Market Gains | హార్మూజ్ జలసంధి (Strait of Hormuz)ని తెరవకపోతే ఇరాన్ పై తీవ్ర స్థాయిలో విరుచుకుపడతామన్న ట్రంప్.. రాత్రికి రాత్రే కూల్ అయ్యారు. ఇరాన్ సైతం కాల్పుల విరమణకు అంగీకరించడంతో క్రూడ్ ఆయిల్ (Crude Oil) ధరలు దిగివస్తున్నాయి. బుధవారం బ్యారెల్కు 15 శాతానికిపైగా ధర తగ్గింది. రూపాయి విలువ కూడా బలపడుతుండడంతో ఇన్వెస్టర్ల సెంటిమెంట్ బలపడింది. కాల్పుల విరమణ ప్రకటన బుల్స్కు బూస్ట్ ఇవ్వడంతో స్టాక్ మార్కెట్ (Stock Market) పరుగులు తీస్తోంది.
Stock Market Gains | భారీ లాభాలతో ప్రారంభం..
దేశీయ స్టాక్ మార్కెట్ (Domestic Stock Market) బుధవారం భారీ లాభాలతో ప్రారంభమైంది. ఉదయం సెన్సెక్స్ 2,674 పాయింట్ల లాభంతో ప్రారంభమై మొదట్లో కాస్త దిద్దుబాటుకు గురై 250 పాయింట్లు తగ్గింది. అక్కడినుంచి పుంజుకుని 563 పాయింట్లు పైకి ఎగబాకింది. నిఫ్టీ 732 పాయింట్ల లాభంతో ప్రారంభమై 27 పాయింట్లు తగ్గింది. అక్కడినుంచి 186 పాయింట్లు పెరిగింది. ఉదయం 11.25 గంటల ప్రాంతంలో సెన్సెక్స్ 2,946 పాయింట్ల లాభంతో 77,562 వద్ద, నిఫ్టీ 878 పాయింట్ల లాభంతో 24,002 వద్ద ఉన్నాయి.
Stock Market Gains | అన్ని సూచీలు లాభాల్లోనే..
దేశీయ స్టాక్ మార్కెట్లోని అన్ని ఇండెక్స్లు లాభాల్లో సాగుతున్నాయి. నిఫ్టీ (Nifty)లో ఆటో ఇండెక్స్ 7.08 శాతం, రియాలిటీ 7.02 శాతం, ఫైనాన్షియల్ సర్వీసెస్ 5.38 శాతం, బ్యాంక్ నిఫ్టీ 5.32 శాతం, కన్జూమర్ డ్యూరెబుల్స్ 4.94 శాతం లాభాలతో ఉన్నాయి.
Top Gainers : బీఎస్ఈ సెన్సెక్స్లో 27 స్టాక్స్ లాభాలతో ఉండగా.. 3 స్టాక్స్ నష్టాలతో ట్రేడ్ అవుతున్నాయి. ఇండిగో 8.92 శాతం, బజాజ్ ఫైనాన్స్ 8.24 శాతం, అల్ట్రాటెక్ సిమెంట్ 7.30 శాతం, ఎంఅండ్ ఎం 7.26 శాతం, ఎల్టీ 7.13 శాతం లాభాలతో ఉన్నాయి.
Losers : సన్ఫార్మా 1.24 శాతం, టెక్ మహీంద్రా 1.18 శాతం, ఇన్ఫోసిస్ 0.02 శాతం నష్టంతో ఉన్నాయి.
ఇది కూడా చదవండి..: Crude Oil Prices Drop | సీజ్ ఫైర్ ప్రకటన.. భారీగా పడిపోయిన చమురు ధరలు
