అక్షరటుడే, వెబ్డెస్క్: April 09 Pre market Analysis | అమెరికా, ఇరాన్ల మధ్య జరిగిన సీజ్ ఫైర్(Ceasefire) ఒప్పందంతో గత సెషన్లో స్టాక్ మార్కెట్లు పరుగులు తీశాయి. అయితే కాల్పుల విరమణ నిబంధనలను ఉల్లంఘించినట్లు వస్తున్న వార్తలతో ఈ ఒప్పందంపై నీలి నీడలు కమ్ముకుంటున్నాయి.
కాల్పుల విరమణ ఒప్పందం నిలబడుతుందా అన్న సందేహాలు వ్యక్తమవుతున్నాయి. దీంతో ఇన్వెస్టర్లు ఆందోళన చెందుతున్నారు. గురువారం ఉదయం ఆసియా మార్కెట్లు నష్టాలతో ట్రేడ్ అవుతున్నాయి.
April 09 Pre market Analysis | యూఎస్ మార్కెట్లు..
గత సెషన్లో నాస్డాక్(Nasdaq) 2.80 శాతం, ఎస్ అండ్ పీ 2.51 శాతం లాభంతో ముగిశాయి. గురువారం ఉదయం డౌజోన్స్ ఫ్యూచర్స్ 0.02 శాతం నష్టంతో ఉంది.
April 09 Pre market Analysis | యూరోప్ మార్కెట్లు..
జర్మనీకి చెందిన డీఏఎక్స్ 4.81 శాతం, ఫ్రాన్స్కు చెందిన సీఏసీ 4.30 శాతం, యూకేకు చెందిన ఎఫ్ టీఎస్ ఈ 2.45 శాతం లాభపడ్డాయి.
ఆసియా మార్కెట్లు..
ప్రధాన ఆసియా మార్కెట్లు(Asian markets) భారీ లాభాల దిశగా సాగుతున్నాయి. ఉదయం 7.50 గంటల ప్రాంతంలో తైవాన్ స్టాక్ ఎక్స్ఛేంజ్ 0.21 శాతం లాభంతో ఉండగా.. చైనాకు చెందిన షాంఘై 1.53 శాతం, సౌత్ కొరియాకు చెందిన కోస్పీ 0.99 శాతం, హాంగ్కాంగ్కు చెందిన హాంగ్సెంగ్ 0.48 శాతం, జపాన్కు చెందిన నిక్కీ 0.34 శాతం, సింగపూర్కు చెందిన స్ట్రెయిట్ టైమ్స్ 0.26 శాతం నష్టంతో ఉన్నాయి. గిఫ్ట్ నిఫ్టీ(Gift nifty) 0.35 శాతం నష్టంతో కొనసాగుతుండడంతో మన మార్కెట్లు గ్యాప్ డౌన్ లో ప్రారంభం అయ్యే అవకాశాలున్నాయి.
గమనించాల్సిన అంశాలు..
- ఎఫ్ ఐఐలు వరుసగా 26వ సెషన్లోనూ నికర అమ్మకందారులుగా ఉన్నారు. గత సెషన్లో నికరంగా రూ. 2,811 కోట్ల విలువైన స్టాక్స్ విక్రయించారు.
- డీఐఐలు వరుసగా 28వ సెషన్లోనూ నికర కొనుగోలుదారులుగా నిలిచారు. గత సెషన్లో నికరంగా రూ. 4,168 కోట్ల విలువైన స్టాక్స్ కొన్నారు.
- నిఫ్టీ పుట్కాల్ రేషియో 1.13 వద్ద స్థిరంగా ఉంది.
- విక్స్ 20.24 శాతం తగ్గి 19.70 వద్ద ఉంది.
- డాలర్తో రూపాయి మారకం విలువ 41 లు బలపడి 92.58 వద్ద ఉంది.
- కాల్పుల విరమణ ఒప్పందం నిలబడుతుందా అన్న సందేహాలు వ్యక్తమవుతున్నాయి. దీంతో క్రూడ్ ఆయిల్ ధర మళ్లీ పెరుగుతోంది. బ్రెంట్ క్రూడ్ ఆయిల్ ధర బ్యారెల్కు 1.95 శాతం పెరిగి, 96.70 డాలర్ల వద్ద ఉంది.
- సెన్సెక్స్ డెరివేటివ్స్ వీక్లీ ఎక్స్పైరీ నేపథ్యంలో మార్కెట్లో ఒడుదుడుకులు ఉండే అవకాశాలున్నాయి.
ఇది కూడా చదవండి: Masik Krishna Janmashtami | మాసిక కృష్ణ జన్మాష్టమి.. ఈ చిన్న నియమాలు పాటిస్తే ఇంట్లో అన్నీ శుభాలే!
