అక్షరటుడే, వెబ్డెస్క్ : Stock Market Volatility | పశ్చిమాసియాలో కాల్పుల విరమణ ఒప్పందం ఉల్లంఘనకు గురవుతుండడంతో మళ్లీ ఉద్రిక్తతలు పెరుగుతున్నాయి. లెబనాన్పై ఇజ్రాయెల్ భారీ దాడులు చేస్తుండడంతో ఇరాన్ తిరిగి హార్మూజ్ను మూసి వేస్తున్నట్లు ప్రకటించింది.
దీంతో క్రూడ్ ఆయిల్ (Crude Oil) ధర పెరుగుతోంది. ఇన్వెస్టర్లు పరిస్థితులను అంచనా వేస్తూ ఆచితూచి వ్యవహరిస్తుండడంతో ప్రధాన ఆసియా మార్కెట్లు నష్టాల బాటలో సాగుతున్నాయి. మన మార్కెట్లు సైతం తీవ్ర ఒడిదుడుకులకు లోనవుతున్నాయి.
Stock Market Volatility | నష్టాలతో ప్రారంభమై..
దేశీయ స్టాక్ మార్కెట్ (Domestic Stock Market) గురువారం నష్టాలతో ప్రారంభమైంది. ఉదయం సెన్సెక్స్ 243 పాయింట్ల నష్టంతో ప్రారంభమైనా పుంజుకుని 110 పాయింట్లు ఎగబాకింది. అక్కడినుంచి అమ్మకాల ఒత్తిడితో 805 పాయింట్లు పడిపోయింది. నిఫ్టీ 88 పాయింట్ల నష్టంతో ప్రారంభమై అక్కడినుంచి 81 పాయింట్లు పెరిగింది. ఇంట్రాడే గరిష్టాల వద్ద లాభాల స్వీకరణతో 231 పాయింట్లు కోల్పోయింది. మధ్యాహ్నం 12.13 గంటల ప్రాంతంలో సెన్సెక్స్ 462 పాయింట్ల నష్టంతో 77,100 వద్ద, నిఫ్టీ 90 పాయింట్ల నష్టంతో 23,907 వద్ద ఉన్నాయి.
Stock Market Volatility | క్యాపిటల్ గూడ్స్, మెటల్ సెక్టార్లలో ర్యాలీ..
క్యాపిటల్ గూడ్స్, పవర్, మెటల్ సెక్టార్లలో ర్యాలీ కొనసాగుతుండగా.. బ్యాంకింగ్, ఫైనాన్సియల్ సర్వీసెస్ ఇండెక్స్లు ఒత్తిడికి గురవుతున్నాయి. నిఫ్టీ (Nifty)లో క్యాపిటల్ గూడ్స్ ఇండెక్స్ 1.76 శాతం, పవర్ 1.33 శాతం, మెటల్ 1.19 శాతం, యుటిలిటీ 0.92 శాతం, ఫార్మా 0.88 శాతం లాభాలతో, బ్యాంక్ నిఫ్టీ 0.85 శాతం, ఫైనాన్షియల్ సర్వీసెస్ 0.67 శాతం, కన్జూమర్ డ్యూరెబుల్స్ 0.41 శాతం, ఆయిల్ అండ్ గ్యాస్ 0.30 శాతం, ఐటీ 0.31 శాతం నష్టాలతో ఉన్నాయి.
Top Gainers : బీఎస్ఈ సెన్సెక్స్లో 10 స్టాక్స్ లాభాలతో ఉండగా.. 20 స్టాక్స్ నష్టాలతో ట్రేడ్ అవుతున్నాయి. ఎన్టీపీసీ 2.35 శాతం, బీఈఎల్ 2.19 శాతం, టీసీఎస్ 1.21 శాతం, పవర్గ్రిడ్ 1.07 శాతం, మారుతి 0.99 శాతం లాభాలతో ఉన్నాయి.
Top Losers : ఇండిగో 1.85 శాతం, ఎల్టీ 1.83 శాతం, హెచ్ డీఎఫ్ సీ బ్యాంక్ 1.56 శాతం, ఐసీఐసీఐ బ్యాంక్ 1.40 శాతం, ఇన్ఫోసిస్ 1.40 శాతం నష్టంతో ఉన్నాయి.
ఇది కూడా చదవండి..: April 09 Gold Rates | ఇరాన్–అమెరికా ఉద్రిక్తతల ప్రభావం.. ఎగసిపడుతున్న బంగారం, వెండి ధరలు!
