అక్షరటుడే, వెబ్డెస్క్: Mavigun Flexi | ఆంధ్రప్రదేశ్ (Andhra Pradesh) రాజకీయాల్లో మరోసారి రాజధాని అంశం హాట్ టాపిక్గా మారింది. వైఎస్ జగన్ మోహన్ రెడ్డి (Y. S. Jagan Mohan Reddy) నివాసం ఉన్న తాడేపల్లిలో ‘మావిగన్’ పేరుతో ఏర్పాటు చేసిన ఫ్లెక్సీ ఇప్పుడు రాజకీయ వర్గాల్లో చర్చకు దారితీసింది.
మచిలీపట్నం–విజయవాడ–గుంటూరు (MAVIGUN) ప్రాంతాలను కలిపే కారిడార్ను అభివృద్ధి చేసి రాజధానిగా తీర్చిదిద్దాలన్న ఆలోచనను ‘మావిగన్’గా ప్రచారం చేస్తున్నారు. ఈ ప్రతిపాదనకు మద్దతుగా వైసీపీ వర్గాలు ముందుకు వస్తున్నాయి. అయితే తాజాగా ఏర్పాటు చేసిన ఫ్లెక్సీలో ఆసక్తికర నినాదాలను పొందుపరిచారు. ముఖ్యంగా “జగన్ 2.0 – మావిగన్ 2029” అనే స్లోగన్ ద్వారా రాబోయే ఎన్నికల దృష్ట్యా ఈ ప్రతిపాదనను ప్రధాన అజెండాగా తీసుకెళ్లే సంకేతాలు కనిపిస్తున్నాయి.
Mavigun Flexi | మావిగన్ ఫ్లెక్సీ..
“యువతకు ఆదర్శం.. సమాజానికి అండ మావిగన్”, “ఒక పార్టీ.. ఒక జెండా.. ఒక అజెండా” వంటి నినాదాలు పార్టీ కేడర్ను ఏకం చేసేలా రూపొందించారు. ప్రస్తుతం అమరావతి రాజధాని అభివృద్ధిపై కూటమి ప్రభుత్వం దృష్టి పెట్టిన సమయంలో, జగన్ నివాసం వద్ద ఇలాంటి ఫ్లెక్సీ ఏర్పాటు చేయడం రాజకీయంగా ప్రాధాన్యం సంతరించుకుంది. ఇది అమరావతి (Amaravathi) రాజధాని నమూనాకు వైసీపీ పూర్తిగా వ్యతిరేకమనే సంకేతాన్ని ప్రజల్లోకి పంపే ప్రయత్నంగా రాజకీయ విశ్లేషకులు భావిస్తున్నారు.
Mavigun Flexi | రాజకీయాల్లో మరోసారి రాజధాని చర్చ
“జగన్ 2.0 – మావిగన్ 2029” నినాదం ద్వారా వచ్చే ఎన్నికల్లో ఈ అంశాన్ని ప్రధాన ఎజెండాగా మార్చే ప్రయత్నం జరుగుతోందని స్పష్టమవుతోంది. రాజధాని అంశంపై కొత్త చర్చను ప్రారంభించి, ప్రజల్లో మద్దతు సంపాదించాలనే వ్యూహంగా ఇది కనిపిస్తోంది. మొత్తానికి, తాడేపల్లి (Tadepalli)లో వెలిసిన ఈ ‘మావిగన్’ ఫ్లెక్సీ ఆంధ్రప్రదేశ్ రాజకీయాల్లో మరోసారి రాజధాని చర్చను రగిలించింది. ఇది కేవలం ఫ్లెక్సీతో ముగుస్తుందా? లేక రాబోయే రోజుల్లో పెద్ద రాజకీయ అజెండాగా మారుతుందా? అన్నది చూడాలి. కాగా, గత కొద్ది రోజులుగా ఏపీలో మావిగన్ చుట్టూ రాజకీయం నడుస్తున్న విషయం తెలిసిందే. మావిగన్ అనే పదం జగన్ నోటి నుండి ఎప్పుడైతే వచ్చిందో అప్పుడు అతనిపై దారుణంగా ట్రోల్ కూడా చేశారు. కొందరు మద్దతు ఇచ్చారు.
ఇది కూడా చదవండి..: Nallamala Forest Fire | మహానంది నల్లమలలో భారీ కార్చిచ్చు.. వన్యప్రాణుల మనుగడకు ముప్పు!
