అక్షరటుడే, వెబ్డెస్క్: Telangana Political News | మాజీ మంత్రి జీవన్ రెడ్డి బీఆర్ఎస్ పార్టీలోకి వెళ్లాలనుకోవడం తప్పుడు నిర్ణయమని నిజామాబాద్ ఎంపీ ధర్మపురి అరవింద్ (MP Dharmapuri Arvind) అన్నారు. జీవన్ రెడ్డి పార్టీ మారాలనుకోవడం తొందరపాటుతో తీసుకున్న నిర్ణయమని ఆయన వ్యాఖ్యానించారు.
జీవన్ రెడ్డి అంటే తనకు చాలా గౌరవమని పేర్కొన్నారు. జగిత్యాల జిల్లా (Jagtial District) మెట్పల్లిలో బీఎస్పీ ఎమ్మెల్యే అభ్యర్థి నిశాంత్ కార్తికేయ గురువారం బీజేపీలో చేరారు. ఈ సందర్భంగా ఎంపీ అరవింద్ మాట్లాడారు.
Telangana Political News | బీఆర్ఎస్ అస్తిత్వం కోల్పోతుంది..
జగిత్యాల ఎమ్మెల్యే సంజయ్ (Jagtial MLA Sanjay) ఏ పార్టీలో ఉన్నా ఆ పార్టీకి మంట పెడతారని విమర్శించారు. ఓట్ల కోసం ఒక పార్టీ అభివృద్ధి పేరుతో మరో పార్టీ అని చెప్పుకుని తిరిగే వ్యక్తి సంజయ్ అని ఎద్దేవా చేశారు. మళ్లీ బీఆర్ఎస్లోకి వచ్చిన ఆశ్చర్యం లేదని విమర్శించారు. సంజయ్ ఫ్రస్టేషన్లో పనికిమాలిన స్టేట్మెంట్లు ఇస్తున్నారని అన్నారు. బీఆర్ఎస్ (BRS) అస్తిత్వం కోల్పోతుందని.. ఆ పార్టీకి విధి విధానాలు కరువయ్యాయని ఎంపీ ధర్మపురి అరవింద్ ఎద్దేవా చేశారు.
Telangana Political News | సంజయ్ ఎక్కడుంటే అక్కడ శని..
జగిత్యాల ఎమ్మెల్యే డాక్టర్ సంజయ్పై అర్వింద్ తీవ్రమైన వ్యాఖ్యలు చేశారు. “సంజయ్ ఎక్కడుంటే అక్కడ శని ఉంటుంది” అంటూ ఎద్దేవా చేశారు. ఆయన బీఆర్ఎస్లో ఉన్న సమయంలో డాక్టర్ శ్రావణిని పార్టీ నుంచి పంపించారని విమర్శించారు. ప్రస్తుతం కాంగ్రెస్లో చేరి జీవన్రెడ్డిని ఇబ్బంది పెట్టారన్నారు. పార్టీ మారే విషయంలో సీనియర్ నేత జీవన్ రెడ్డి (Jeevan Reddy) తొందరపడుతున్నారని అభిప్రాయం వ్యక్తం చేశారు. సంజయ్ మళ్లీ కాంగ్రెస్ను వీడి బీఆర్ఎస్లో చేరతారని వ్యాఖ్యానించారు. బీఆర్ఎస్ అస్తిత్వం కోల్పోతుందని.. ఆ పార్టీకి విధి విధానాలు కరువయ్యాయని ఆయన ఎద్దేవా చేశారు.
రాష్ట్ర రాజకీయాల్లో నాయకుల వలసలు, అంతర్గత కుమ్ములాటలు చూసి ప్రజలు విసిగిపోతున్నారన్నారు. అందుకే బీజేపీ (BJP) వైపు చూస్తున్నారని అర్వింద్ చెప్పారు.
Telangana Political News | కవిత పార్టీకి స్పాన్సర్ రేవంత్ రెడ్డే
కవిత కొత్త పార్టీ విషయంలో అర్వింద్ స్పందించారు. ఎమ్మెల్సీ కవిత (Kalvakuntla Kavitha)చేసే కార్యక్రమాలు, పార్టీ కార్యకలాపాలకు సీఎం రేవంత్ రెడ్డి (CM Revanth Reddy) స్పాన్సర్ అని ఆరోపించారు. వీరిద్దరి మధ్య రహస్య ఒప్పందాలు ఉన్నాయని విమర్శలు చేశారు.
https://www.facebook.com/watch/?v=2139619993492244
ఇది కూడా చదవండి..: Harish Rao | ‘పొంగులేటి పొగరు తగ్గించుకో’.. హరీశ్రావు సంచలన వ్యాఖ్యలు
