వేసవి తీవ్రత పెరుగుతున్న కొద్దీ పెంపుడు శునకాలు వడదెబ్బ, డీహైడ్రేషన్ కడుపు సంబంధిత వ్యాధుల బారిన పడే అవకాశం ఎక్కువగా ఉంటుంది. మారుతున్న వాతావరణానికి అనుగుణంగా కుక్కల ఆహారపు అలవాట్లలో మార్పులు చేయాల్సిన అవసరం ఉందని ‘గోద్రెజ్ పెట్ కేర్’ పరిశోధన విభాగం అధిపతి డాక్టర్ అశోక్ పట్టనాయక్ సూచిస్తున్నారు. ఎండకాలంలో వాటిని ఆరోగ్యంగా ఉంచేందుకు ‘సమ్మర్ డైట్ రీసెట్’ విధానాన్ని అనుసరించాలని ఆయన కోరారు.
వేసవిలో జీర్ణక్రియే కీలకం
కుక్కల రోగనిరోధక శక్తిలో అధిక భాగం వాటి జీర్ణవ్యవస్థపైనే ఆధారపడి ఉంటుంది. వేడి వాతావరణం వల్ల ఆహారం త్వరగా కలుషితం కావడం, శరీరంలో నీటి నిల్వలు తగ్గిపోవడం వంటి కారణాలతో పెంపుడు జంతువులు అనారోగ్యానికి గురవుతాయి. ఒకవేళ మీ కుక్క సరిగ్గా ఆహారం తీసుకోకపోయినా, నీరసంగా ఉన్నా లేదా విరేచనాలతో బాధపడుతున్నా.. వెంటనే వాటి డైట్ మార్చాలని అర్థం చేసుకోవాలి. విపరీతంగా రొప్పుడం కూడా శరీరంలో నీటి శాతం తగ్గుతోందనడానికి ఒక సంకేతం.
మీ పెంపుడు జంతువు కోసం సమ్మర్ డైట్ చిట్కాలు
శునకాల జీర్ణక్రియ సాఫీగా సాగేందుకు ఈ క్రింది మార్పులు చేయండి:
జల శక్తి: వాటి శరీరంలో ఎలక్ట్రోలైట్స్ సమతుల్యంగా ఉండేలా నీటి శాతం ఎక్కువగా ఉండే ఆహారాన్ని అందించాలి. ఇది డీహైడ్రేషన్ బారి నుండి రక్షిస్తుంది.
తేలికపాటి ఆహారం: ఎండలు ఎక్కువగా ఉన్నప్పుడు కొవ్వు పదార్థాలు అధికంగా ఉండే భారీ భోజనం జీర్ణం కావడం కష్టం. అందువల్ల తక్కువ కొవ్వు, నాణ్యమైన ప్రోటీన్ ఫైబర్ ఉన్న ఆహారాన్ని తక్కువ పరిమాణంలో ఎక్కువ సార్లు పెట్టడం ఉత్తమం.
పేగుల ఆరోగ్యం: 2 నుంచి 4 శాతం ఫైబర్ ప్రిబయోటిక్స్ ఉండే ఆహారం వల్ల పేగుల్లో మంచి బ్యాక్టీరియా వృద్ధి చెంది, రోగనిరోధక శక్తి పెరుగుతుంది.
శాస్త్రీయ పోషణ: ఇంటి భోజనంలో అన్ని రకాల విటమిన్లు, ఖనిజాలు అందకపోవచ్చు. కాబట్టి భారతీయ వాతావరణానికి సరిపోయేలా తయారైన ‘గోద్రెజ్ నింజా’ వంటి సమతుల్య ఆహారాన్ని ఎంచుకోవడం వల్ల వాటికి పూర్తి పోషణ అందుతుంది.
సరైన సమయంలో ఆహారం
వేసవిలో వాతావరణం చల్లగా ఉండే ఉదయం లేదా సాయంత్రం వేళల్లోనే శునకాలకు ఆహారం ఇవ్వాలి. మధ్యాహ్న సమయాల్లో ఆహారం కంటే తాజా నీటిని అందుబాటులో ఉంచడం ముఖ్యం. ఎండ ప్రభావంతో వాటి శారీరక శ్రమ తగ్గినప్పుడు, దానికి తగ్గట్టుగా ఆహార పరిమాణాన్ని కూడా నియంత్రించాలి. సరైన పోషణ జాగ్రత్తలతో మీ పెంపుడు జంతువులు ఈ వేసవిని హాయిగా గడిపేలా చేయవచ్చు.
