అక్షరటుడే, వెబ్డెస్క్: Volkswagen Taigun Facelift | వోక్స్వాగన్ భారత్లో 2021లో టైగన్ ను విడుదల చేసింది. ఐదేళ్ల తర్వాత ఫేస్లిఫ్ట్ రూపంలో న్యూ మోడల్ను తీసుకువచ్చింది. ఈ మిడ్సైజ్ ఎస్యూవీ (SUV) తన ప్రత్యేకమైన డ్రైవింగ్ డైనమిక్స్, భద్రతా ప్రమాణాలను కొనసాగిస్తూ కొత్త డిజైన్ తో, ప్రీమియం లుక్తో వచ్చింది.
న్యూ కలర్స్, మెరుగైన ఇంటీరియర్, ఆధునిక డిజిటల్ క్లస్టర్తో ఆకర్షణీయంగా ఉంది. టైగన్ ఫేస్లిఫ్ట్ హ్యుండాయ్ క్రెటా (Taigun Facelift vs. Hyundai Creta), కియా సెల్టోస్ వంటి మోడల్స్కు గట్టి పోటీ ఇస్తుందని భావిస్తున్నారు. దీని ఫీచర్లు తెలుసుకుందామా..
Volkswagen Taigun Facelift | డిజైన్..
ఈ ఎస్యూవీలోని కొత్త హెడ్లైట్స్ ఎలఈడీ డేటైమ్ రన్నింగ్ లైట్లతో అనుసంధానం అయ్యాయి. గ్రిల్ డిజైన్ కూడా అప్డేట్ చేశారు. అల్లాయ్ వీల్స్ కొత్త డిజైన్తో వచ్చాయి.
కొత్త టైగన్ అవకాడో పెర్ల్, స్టీల్ గ్రే రంగులలో లభిస్తుంది. మొత్తం 9 రంగులలో అందుబాటులో ఉంది.
Volkswagen Taigun Facelift | ఫీచర్స్..
ఇది 10.09 అంగుళాల ఇన్ఫోటైన్మెంట్ సిస్టమ్ ఇచ్చారు. ఇది 15 విభిన్న అప్లికేషన్లను ఉపయోగించడానికి అనుమతిస్తుంది. ఇందులో కొత్త 9 ఇంచెస్ డిజిటల్ డ్రైవర్ క్లస్టర్ ఉంది. ఇది టర్న్ బై టర్న్ నావిగేషన్ అందిస్తుంది. ‘హలో వోక్స్వ్యాగన’ వాయిస్ అసిస్ట్ ఉంది. ఇది ఏసీ కంట్రోల్స్, మ్యూజిక్తోపాటు పలు ప్రాథమిక ఫంక్షన్లను నియంత్రించడానికి ఉపయోగపడుతుంది.
Volkswagen Taigun Facelift | సేఫ్టీ ఫీచర్స్..
ఆరు ఎయిర్బ్యాగ్లు, మల్టీ కొలిజన్ బ్రేక్లు వంటి సేఫ్టీ ఫీచర్స్ ఇచ్చారు. భద్రతా ప్రమాణాల్లో 5 స్టార్ గ్లోబల్ ఎన్క్యాప్ రేటింగ్ను కొనసాగించారు. ఇందులో 40కిపైగా భద్రత ఫీచర్లున్నాయి.
ఇంజన్ : కొత్త వోక్స్వ్యాగన్ టైగన్ 1.0 లీటర్ టీఎసఐ, 1.5 టీఎసఐ ఈవీవో రెండు పెట్రోల్ ఇంజిన్ ఆప్షన్లతో వస్తోంది. 1.0 లీటర్ టర్బో పెట్రోల్ ఇంజిన్ సుమారు 114 పీఎస్ పవర్ , 178 ఎనఎం(న్యూటన్ మీటర్) టార్క్ను ఉత్పత్తి చేస్తుంది. 6 స్పీడ్ మాన్యువల్ ట్రాన్స్మిషన్ లభిస్తుంది. పాత 6 స్పీడ్ ఆటోమేటిక్ ఆప్షన్ స్థానంలో కొత్తగా 8 స్పీడ్ ఆటోమేటిక్ను ఇచ్చారు.
1.5 లీటర్ టర్బో పెట్రోల్ ఇంజిన్ 147 పీఎస్ పవర్, 250 ఎనఎం టార్క్ను అందిస్తుంది. ఇది 6 స్పీడ్ మాన్యువల్, 7 స్పీడ్ డ్యూయల్ క్లచ్ ఆటోమేటిక్ గేర్బాక్స్ల మధ్య ఎంపికలను అందిస్తుంది. 1.5 లీటర్ ఇంజిన్లో యాక్టివ్ సిలిండర్ టెక్నాలజీ (ఏసీటీ) ఉండడం వల్ల అవసరమైనప్పుడు సిలిండర్లను ఆపి ఇంధనాన్ని ఆదా చేస్తుంది. మాన్యువల్ సుమారు 19.98 కేఎంపీఎల్, ఆటోమెటిక్ సుమారు 19.54 కేఎంపీఎల్ మైలేజ్ ఇస్తుంది.
ఇది కూడా చదవండి..: Royal Enfield Flying Flea C6 | రాయల్ ఎన్ఫీల్డ్ నుంచి తొలి ఎలక్ట్రిక్ బైక్..
