అక్షరటుడే, వెబ్డెస్క్ : Samrat Choudhary CM | బీహార్ (Bihar) ముఖ్యమంత్రిగా సుదీర్ఘ కాలం పనిచేసిన జేడీయూ అధినేత నితీశ్ కుమార్ (Nitish Kumar) ఇటీవల రాజ్యసభకు ఎన్నికయ్యారు. ఆయన శుక్రవారం రాజ్యసభ సభ్యుడిగా ప్రమాణ స్వీకారం చేయబోతున్నారు. ఏప్రిల్ 14వ తేదీన బీహార్ సీఎం పదవికి నితీశ్ కుమార్ రాజీనామా చేయనున్నారు. ఈ నేపథ్యంలో బీహార్ ముఖ్యమంత్రి ఎన్నిక అనివార్యం అయ్యింది.
Samrat Choudhary CM | తొలి నేతగా చరిత్రలో..
అయితే ఈసారి బీజేపీకి ముఖ్యమంత్రి అవకాశం ఇవ్వనున్నారు. ఈ నేపథ్యంలో ప్రస్తుత ఉప ముఖ్యమంత్రి, బీజేపీ నేత సమ్రాట్ చౌదరికే ముఖ్యమంత్రి అయ్యే అవకాశాలు ఎక్కువగా ఉన్నాయని తెలుస్తోంది. బీహార్ ముఖ్యమంత్రి రేసులో కేంద్ర హోంశాఖ సహాయ మంత్రి నిత్యానందరాయ్, ఉప ముఖ్యమంత్రి విజయ్ సిన్హా పేర్లూ పరిశీలనకు వచ్చినా.. పార్టీ మాత్రం సమ్రాట్ చౌదరి పేరును దాదాపు ఖరారు చేసినట్లు సమాచారం. ఆయన ముఖ్యమంత్రి అయితే బీహార్లో చరిత్రలో నూతన అధ్యాయం మొదలు కానుంది. బీజేపీ తరఫున ముఖ్యమంత్రి అయిన తొలి నేతగా చరిత్రలో నిలిచిపోనున్నారు.
Samrat Choudhary CM | సమ్రాట్ రాజకీయ నేపథ్యం..
సమ్రాట్ చౌదరి 1990లో క్రియాశీల రాజకీయాల్లోకి వచ్చారు. 2000లో జరిగిన బిహార్ అసెంబ్లీ ఎన్నిక (Bihar Assembly Election)ల్లో పర్బత్తా నియోజకవర్గం నుంచి ఆర్జేడీ అభ్యర్థిగా పోటీ చేసి గెలిచిన ఆయన.. రబ్రీ దేవి మంత్రివర్గంలో వ్యవసాయ శాఖ మంత్రిగా పని చేశారు. 2010లో రెండోసారి ఎమ్మెల్యేగా గెలిచి బిహార్ శాసనసభలో ప్రతిపక్ష పార్టీ చీఫ్ విప్గా నియమితులయ్యారు. 2014లో ఆర్జేడీ తిరుగుబాటు వర్గంలో చేరి జితన్ రామ్ మాంఝీ నేతృత్వంలోని జనతా దళ్(యూ) ప్రభుత్వంలో పట్టణాభివృద్ధి, గృహ నిర్మాణ శాఖల మంత్రిగా బాధ్యతలు నిర్వర్తించారు. ఆయన 2018లో భారతీయ జనతా పార్టీ (Bharatiya Janata Party)లో చేరి బీహార్ ఉపాధ్యక్షుడిగా నియమితులయ్యారు. 2023లో బీజేపీ రాష్ట్ర అధ్యక్షుడిగా ఎన్నికయ్యారు. 2024 జనవరి 28న నితీష్ కుమార్ మంత్రివర్గంలో చేరి, ఉప ముఖ్యమంత్రిగా అయ్యారు.
ఇది కూడా చదవండి..: Mumbai Airport Fire | ముంబయి ఎయిర్పోర్టులో అగ్ని ప్రమాదం.. భయాందోళనలో ప్రయాణికులు!
