అక్షరటుడే, వెబ్డెస్క్: Aloe Vera Vastu | కలబంద అనగానే మనకు గుర్తొచ్చేది చర్మ సౌందర్యం లేదా ఆరోగ్య ప్రయోజనాలు. కానీ, భారతీయ సంప్రదాయంలో , వాస్తు శాస్త్రంలో కలబందకు ఒక ప్రత్యేకమైన, పవిత్రమైన స్థానం ఉంది. దీనిని కేవలం ఒక మొక్కగా కాకుండా సాక్షాత్తూ లక్ష్మీదేవి స్వరూపంగా భక్తులు విశ్వసిస్తారు.
ఇంట్లో ప్రతికూలతలను పారద్రోలి, అదృష్టాన్ని మోసుకొచ్చే ఈ మొక్కను ‘మహా వృక్షం’గా శాస్త్రాలు అభివర్ణిస్తున్నాయి. వృక్షాలు దైవంతో సమానమని, అవి మానవాళికి ప్రాణవాయువును అందిస్తూ రక్షణగా నిలుస్తాయని సాక్షాత్తూ శ్రీకృష్ణ పరమాత్మ ద్వాపర యుగంలోనే వివరించారు.
Aloe Vera Vastu | 33 కోట్ల దేవతల నిలయం:
పురాణాల ప్రకారం, కలబంద మొక్కలో త్రిమూర్తులతో పాటు 33 కోట్ల దేవతలు కొలువై ఉంటారు. కలబంద ఆకులకు ఉండే ఒక్కో ముల్లును ఒక్కో దేవతకు అధిష్టానంగా భావిస్తారు. అందుకే ఈ మొక్క ఉన్న చోట దేవతల ఆశీస్సులు ఉంటాయని, అక్కడ సిరిసంపదలకు లోటు ఉండదని నమ్ముతారు.
కేవలం ఆధ్యాత్మికంగానే కాకుండా, ఆయుర్వేద పరంగా కూడా కలబందకు తిరుగులేదు. పరగడుపున దీని గుజ్జును తీసుకోవడం వల్ల అనేక అనారోగ్య సమస్యలు నయమవుతాయి.
Aloe Vera Vastu | వాస్తు దోషాలకు చెక్:
కలబంద మొక్కను ఇంట్లో ఉంచడం వల్ల నరదృష్టి, నరఘోష వంటి చెడు శక్తులు దరిచేరవు. ప్రతి అమావాస్య నాడు ఈ చిన్న పని చేస్తే, అద్భుతమైన ఫలితాలు ఉంటాయని వాస్తు నిపుణులు చెబుతున్నారు.
పూజా విధానం: అమావాస్య నాడు కలబంద మొక్కను వేళ్లతో సహా తెచ్చి శుభ్రం చేయాలి. దానికి పసుపు, కుంకుమ, గంధంతో అలంకారం చేసి దేవుని గదిలో ఉంచి ధూపం వేయాలి.
గుమ్మానికి కట్టడం: అమావాస్య ముగిసిన తర్వాత వచ్చే పాడ్యమి రోజున, ఈ మొక్కను ఇంటి ప్రధాన ద్వారం వద్ద కుడి వైపున వేలాడదీయాలి. ఇలా ప్రతి నెల పాత మొక్కను తీసేసి కొత్త దానిని కట్టడం వల్ల ఇంటికి ఉండే వాస్తు దోషాలన్నీ తొలగిపోతాయి.
సరైన దిశ ఏది?
కలబంద మొక్కను ఎల్లప్పుడూ ఇంటి ఈశాన్య మూలలో ఉంచడం అత్యంత శుభప్రదం. ఈ మొక్క వేళ్లు పైకి ఉండేలా, ఆకులు క్రిందికి వేలాడేలా కట్టడం వల్ల ఇంట్లోని నెగటివ్ ఎనర్జీ మొత్తం నశిస్తుంది. ఇది గాలిని శుద్ధి చేసి అత్యధికంగా ఆక్సిజన్ను విడుదల చేస్తుంది.
దీనివల్ల ఇంట్లో ఉండేవారికి ఆరోగ్యం చేకూరుతుంది. భార్యాభర్తల మధ్య మనస్పర్థలు ఉన్నా లేదా ఆర్థిక ఇబ్బందులు వేధిస్తున్నా, కలబంద మొక్కను సరైన దిశలో ఉంచడం వల్ల ఆ సమస్యల నుండి విముక్తి లభిస్తుందని పండితులు చెబుతున్నారు.
ఇది కూడా చదవండి: Kids Toothpaste Safety | పిల్లలు టూత్పేస్ట్ మింగుతున్నారా.. అయితే ఈ ప్రమాదాలు తప్పవు!
