అక్షరటుడే, వెబ్డెస్క్ : Indian Stock Market Surge | జియో పొలిటికల్ ఉద్రిక్తతలు కొనసాగుతున్నా స్టాక్ మార్కెట్లు (Stock Markets) రాణించాయి. ఐటీ ఇండెక్స్ అమ్మకాల ఒత్తిడికి గురైనా ఆటో, కన్జూమర్ గూడ్స్, ఫైనాన్షియల్ రంగాలలో బలమైన కొనుగోళ్ల కారణంగా సూచీలు పెరిగాయి. దేశీయ స్టాక్ మార్కెట్ (Domestic Stock Market) శుక్రవారం లాభాలతో ప్రారంభమైంది. ఉదయం సెన్సెక్స్ 490 పాయింట్ల లాభంతో ప్రారంభమైనా అక్కడినుంచి 270 పాయింట్లు కోల్పోయింది.
ఇంట్రాడే కనిష్టాల వద్ద లభించిన కొనుగోళ్ల మద్దతుతో తిరిగి పుంజుకుని 771 పాయింట్లు ఎగబాకింది. నిఫ్టీ 105 పాయింట్ల లాభంతో ప్రారంభమై 24 పాయింట్లు తగ్గింది. అక్కడినుంచి కోలుకుని 218 పాయింట్లు పెరిగింది. చివరికి సెన్సెక్స్ 918 పాయింట్ల లాభంతో 77,550 వద్ద, నిఫ్టీ 275 పాయింట్ల లాభంతో 24,050 వద్ద స్థిరపడ్డాయి.
Indian Stock Market Surge | అడ్వాన్సెస్ అండ్ డిక్లయిన్స్..
బీఎస్ ఈలో నమోదైన కంపెనీలలో 3,360 కంపెనీలు లాభపడగా 945 స్టాక్స్ నష్టపోయాయి. 144 కంపెనీలు ఫ్లాట్గా ముగిశాయి. 110 కంపెనీలు 52 వారాల గరిష్టాల వద్ద ఉండగా.. 20 కంపెనీలు 52 వారాల కనిష్టాల వద్ద కదలాడాయి. బీఎస్ఈలో నమోదైన కంపెనీల సంపద విలువ రూ. 6.85 లక్షల కోట్లమేర పెరిగింది.
Indian Stock Market Surge | ఐటీ మినహా..
ఐటీ ఇండెక్స్ మినహా మిగిలిన అన్ని రంగాల షేర్లు రాణించాయి. ఆటో ఇండెక్స్ 2.85 శాతం, క్యాపిటల్ గూడ్స్ 2.27 శాతం, కన్జూమర్ డ్యూరెబుల్స్ 2.22 శాతం, ఫైనాన్షియల్ సర్వీసెస్ 2.11 శాతం, రియాలిటీ ఇండెక్స్ 2.08 శాతం, బ్యాంక్ నిఫ్టీ 1.99 శాతం, మీడియా 196 శాతం, పవర్ 1.92 శాతం లాభపడగా.. ఐటీ ఇండెక్స్ 1.91 శాతం నష్టపోయింది.
Top Gainers : బీఎస్ఈ సెన్సెక్స్లో 25 స్టాక్స్ లాభపడగా.. 5 స్టాక్స్ నష్టాలతో ముగిశాయి. ఆసియా పెయింట్స్ 3.84 శాతం, ఐసీఐసీఐ బ్యాంక్ 3.22 శాతం, ఎంఅండ్ఎం 2.98 శాతం, ఇండిగో 2.77 శాతం, యాక్సిస్ బ్యాంక్ 2.49 శాతం లాభపడ్డాయి.
Losers : సన్ఫార్మా 3.65 శాతం, ఇన్ఫోసిస్ 2.94 శాతం, టీసీఎస్ 2.45 శాతం, టెక్ మహీంద్రా 1.44 శాతం, హెచ్సీఎల్ టెక్ 0.90 శాతం నష్టపోయాయి.
ఇది కూడా చదవండి..: Royal Enfield Flying Flea C6 | రాయల్ ఎన్ఫీల్డ్ నుంచి తొలి ఎలక్ట్రిక్ బైక్..
