అక్షరటుడే, వెబ్డెస్క్ : SI suspension | వరంగల్ (Warangal) జిల్లాలో మరో ఎస్సైపై వేటు పడింది. అవినీతి ఆరోపణలు ఎదుర్కొంటున్న సబ్ ఇన్స్పెక్టర్ను సీపీ సన్ప్రీత్ సింగ్ (CP Sunpreet Singh) శుక్రవారం సస్పెండ్ చేశారు.
వరంగల్ సీపీ విధుల్లో నిర్లక్ష్యం, అవినీతికి పాల్పడే వారిపై కఠినంగా వ్యవహరిస్తున్నారు. రెండు వారాల క్రితం మిల్స్ కాలనీ ఎస్సై సురేష్ను సస్పెండ్ చేసిన ఆయన.. తాజాగా కమిషనరేట్ పరిధిలోని ఆత్మకూర్లో ఎస్సై (Atmakur SI )గా పనిచేస్తున్న సతీష్పై వేటు వేశారు. ఎస్సైపై అవినీతి ఆరోపణలు వచ్చాయి. దీంతో సీపీ విచారణ జరిపించారు. ఆ ఆరోపణలు నిజమని తేలడంతో సస్పెండ్ చేస్తూ ఉత్తర్వులు జారీ చేశారు. ఎస్సై సతీష్ అవినీతికి పాల్పడటమే కాకుండా.. పలు కేసులో అలసత్వం వహించినట్లు అధికారులు గుర్తించారు. పలు కేసుల్లో బాధితుల పక్షాన కాకుండా నిందితులకు అండగా ఉన్నారనే ఆరోపణలు వచ్చాయి.
SI suspension | మిల్స్ కాలనీ ఎస్సై
వరంగల్ (Warangal) నగరంలోని మిల్స్ కాలనీ ఎస్సై సురేష్ (SI Suresh)ను ఇటీవల సీపీ సస్పెండ్ చేశారు. ఆయన భారీగా అవినీతికి పాల్పడినట్లు ఉన్నతాధికారులకు ఫిర్యాదులు అందాయి. అంతేగాకుండా పలువురిని వేధించినట్లు సమాచారం. పోలీస్ స్టేషన్లోని మహిళా సిబ్బందిపై సైతం వేధింపులకు పాల్పడినట్లు ఆరోపణలు ఉన్నాయి. ఈ క్రమంలో పోలీసు బాస్ ఆయనపై వేటు వేశారు.
SI suspension | సీపీ చర్యలతో హడల్
సీపీ సన్ప్రీత్ సింగ్ విధుల్లో అలసత్వంగా ఉండే సిబ్బందిపై కఠినంగా వ్యవహరిస్తున్నారు. ముఖ్యంగా అవినీతికి పాల్పడే వారిని వదలడం లేదు. ఆరోపణలు రాగానే విచారణ జరిపి చర్యలు తీసుకుంటున్నారు. దీంతో కమిషనరేట్ పరిధిలో ఉన్న పోలీసులు భయపడుతున్నారు. ముఖ్యంగా అక్రమాలకు పాల్పడే వారు తమ పేరు ఎక్కడ బయటకు వస్తుందోనని ఆందోళన చెందుతున్నారు.
ఇది కూడా చదవండి : Warangal ACB Raids | వరంగల్ సబ్-రిజిస్ట్రార్ కార్యాలయంలో ఏసీబీ సోదాలు
