అక్షరటుడే, లింగంపేట: Lingampet Road Accident | రెండురోజుల్లో కొడుకు పెళ్లి ఉండగా.. రోడ్డు ప్రమాదంలో తండ్రి మృతి చెందాడు. ఈ ఘటన లింగంపేట (Lingampet) మండలంలో చోటు చేసుకుంది.
Lingampet Road Accident | ఇంట్లో శుభకార్యం ఉండగా..
పోలీసులు (Lingampet Police) తెలిపిన వివరాల ప్రకారం.. శెట్పల్లి గ్రామానికి చెందిన బందెలబోయిన దుర్గయ్య కుమారుడి వివాహం ఈ నెల 12న ఉంది. ఇంట్లో శుభకార్యం ఉండడంతో ఇళ్లంతా సందడిగా ఉంది. ఈ సందర్భంగా పెళ్లి పనుల నిమిత్తం తండ్రి దుర్గయ్య బయటకు వెళ్లి తిరిగి వస్తున్నాడు. ఈ క్రమంలో దారిమధ్యలో కోతి అకస్మాత్తుగా అడ్డురాగా బైక్ను పక్కకు తప్పించగా వెనకే వేగంగా వస్తున్న లారీ అతడి బైక్ను ఢీకొంది. దీంతో దుర్గయ్యకు తీవ్ర గాయాలయ్యాయి. వెంటనే స్పందించిన స్థానికులు వెంటనే హైదరాబాద్లోని ఓ ఆస్పత్రికి తరలించారు. అక్కడ చికిత్స పొందుతూ ఆయన మృతి చెందాడు.
Lingampet Road Accident | వివాహ వేడుకలో విషాదం..
ఈనెల 12న కుమారుడి వివాహ వేడుక ఉన్నందున 11న పోచమ్మ పండుగ ఘనంగా చేద్దామని దుర్గయ్య తమతో అన్నాడని గ్రామస్థులు పేర్కొన్నారు. కుమారుడి పెళ్లికి అందరూ తప్పక రావాలని పత్రికలు సైతం పంచాడని వారన్నారు. అంతలోనే రోడ్డు ప్రమాదంలో మృతి చెందడంతో కుటుంబ సభ్యులు, బంధువులు కన్నీరు మున్నీరయ్యారు.
ఇది కూడా చదవండి: SI suspension | వరంగల్ జిల్లాలో మరో ఎస్సై సస్పెన్షన్
