అక్షరటుడే, వెబ్డెస్క్: Singer Mangli | సింగర్ మంగ్లీ మరో వివాదంలో చిక్కుకుంది. రూ. 10 కోట్ల మోసం చేయడంతో పాటు, ప్రాణహాని తలపెట్టారని ఓ వ్యక్తి ఇచ్చి ఫిర్యాదుతో హైదరాబాద్లోని పంజాగుట్ట పోలీసులు కేసు నమోదు చేశారు. బీఎన్ఎస్ సెక్షన్ల కింది ఆమెతో పాటు సోదరుడిపై కేసు బుక్ అయ్యింది.
పెట్టుబడుల పేరుతో సామాన్యులను మోసాం చేయడంతో పాటు బాధితుల తరఫు న్యాయవాదిని బెదిరించారనే ఆరోపణల నేపథ్యంలో పంజాగుట్ట పోలీసులు కేసు నమోదు చేశారు. మంగ్లీపై పోలీసు కేసు నమోదు కావడం సినీ వర్గాల్లో కలకలం రేపింది. మంగ్లీ తనను రూ.10 కోట్ల మేర మోసం చేసిందంటూ ఓ వ్యక్తి పోలీసులను ఆశ్రయించినట్లు తెలుస్తోంది. ఆర్థిక పరమైన మోసమే కాకుండా, ఆమె వల్ల తనకు ప్రాణ హాని ఉందని ఫిర్యాదులో పేర్కొన్నట్లు సమాచారం. దీంతో పోలీసులు మంగ్లీతో పాటు ఆమె సోదరుడు, మరో ముగ్గురిపై కేసు నమోదు చేసినట్లు సమాచారం.
Singer Mangli | ప్రముఖ గాయనిగా..
జానపద గీతాలతో ప్రముఖ సింగర్గా మారిన మంగ్లీ చుట్టూ వివాదాలు ముసురుకున్నాయి. జానపద కళాకారిణిగా ప్రస్థానం మొదలుపెట్టిన ఆమె.. బతుకమ్మ, బోనాల పాటలతో తెలంగాణ ఇంటి ఆడపడుచుగా మారింది. 2017లో సినీ రంగంలోకి ఎంట్రీ ఇచ్చిన ఆమె “రాములో రాములా” పాట పాడి మంచి గుర్తింపు తెచ్చుకుంది. ఆ తర్వాత ‘సారంగ దరియా’, ‘బుల్లెట్టు బండి’ వంటి సూపర్ హిట్ పాటలతో కెరీర్లో రాణిస్తోంది. కన్నడ, తమిళ భాషల్లోనూ ఆమె పాటలు పాడారు.
Singer Mangli | గతంలోనూ వివాదాలు
మంగ్లీ కెరీర్లో గతంలోనూ పలు వివాదాలు ఎదురయ్యాయి. కన్నడ చిత్రం ‘కేడీ: ది డెవిల్’ మూవీలోని ఒక పాటలో అసభ్యకరమైన సాహిత్యం ఉందన్న విమర్శలతో ఆమె క్షమాపణలు చెప్పింది. అలాగే ఒక బోనాల పాట విషయంలోనూ భక్తుల మనోభావాలను దెబ్బతీశారనే ఆరోపణలు కూడా వచ్చాయి. గతేడాది చేవెళ్లలోని ఒక రిసార్ట్లో జరిగిన ఆమె బర్త్డే పార్టీపై పోలీసులు దాడి చేశారు. అనుమతి లేని లిక్కర్, సౌండ్ సిస్టమ్ వాడడం, డ్రగ్స్ ఆరోపణలతో వేడుక వివాదాస్పదమైన విషయం తెలిసిందే. ఇలా పలు వివాదాల్లో ఆమె చిక్కుకున్నారు. తాజాగా.. డబ్బు మోసం, బెదిరింపుల వంటి ఆరోపణలు రావడం సిని ఇండస్ట్రీలో చర్చనీయాంశంగా మారింది.
ఇది కూడా చదవండి..: Accident on NH44 | అంబులెన్సును ఢీకొన్న ప్రైవేట్ బస్సు.. డ్రైవర్, పేషెంట్ దుర్మరణం
