Yuzvendra Chahal Smoking | బ‌హిరంగ ప్ర‌దేశంలో సిగ‌రెట్ తాగిన చాహ‌ల్‌.. మందు మానేసాన‌ని చెప్పి, ఇలా సిగ‌రెట్ తాగ‌డ‌మేంటి?

అక్షరటుడే, వెబ్​డెస్క్: Yuzvendra Chahal Smoking | టీమిండియా వెటరన్ లెగ్ స్పిన్నర్, పంజాబ్ కింగ్స్ స్టార్ ప్లేయర్ యుజ్వేంద్ర చాహల్ (Yuzvendra Chahal) చుట్టూ కొత్త వివాదం నెలకొంది. ఐపీఎల్ 2026 సీజన్ ఉత్కంఠభరితంగా కొనసాగుతున్న సమయంలో, ఆయన కారులో సిగరెట్ తాగుతున్నట్లు కనిపించే ఒక వీడియో సోషల్ మీడియా (Social Media)లో వైరల్ అవుతోంది. శుక్రవారం రాత్రి నుంచి ఎక్స్, ఇన్‌స్టాగ్రామ్ వంటి ప్లాట్‌ఫారమ్‌లలో ఈ వీడియో విపరీతంగా షేర్ అవుతోంది.

Yuzvendra Chahal Smoking | సిగరెట్ ముక్కను కిటికీ ద్వారా రోడ్డుపైకి విసిరేయడం

వీడియోలో ఒక వ్యక్తి లగ్జరీ కారు (Luxury car) నడుపుతూ సిగరెట్ తాగి, ఆ సిగరెట్ ముక్కను కిటికీ ద్వారా రోడ్డుపైకి విసిరేయడం కనిపిస్తోంది. ఆ వ్యక్తి రూపం చాహల్‌ను పోలి ఉండటంతో నెటిజన్లు తీవ్రంగా స్పందిస్తున్నారు.సెలబ్రిటీగా ఉండి బహిరంగ ప్రదేశాల్లో ఇలా ప్రవర్తించడం సరైనదా అంటూ అభిమానులు ప్రశ్నిస్తున్నారు. అయితే ఈ వీడియో నిజంగా చాహల్‌దేనా? లేక ఎవరైనా మార్ఫింగ్ చేశారా? అన్నదానిపై ఇప్పటివరకు ఎలాంటి అధికారిక నిర్ధారణ లేదు. పలు మీడియా సంస్థలు కూడా ఈ వీడియో నిజ‌మా, కాదా అనే దానిని ధృవీక‌రించ‌లేదు.

Yuzvendra Chahal Smoking | మ‌ద్య‌పానంకి దూరంగా ఉన్నాన‌ని చెప్పి..

ఇక ఇదిలా ఉండగా, ఇటీవలే చాహల్ తన ఫిట్‌నెస్‌పై చేసిన వ్యాఖ్యలు ఇప్పుడు చర్చనీయాంశంగా మారాయి. దక్షిణాఫ్రికా మాజీ క్రికెటర్ ఏబీ డివిలియర్స్ యూట్యూబ్ ఛానెల్‌లో మాట్లాడుతూ, గత ఆరు నెలలుగా మద్యపానానికి పూర్తిగా దూరంగా ఉన్నానని, ఫిట్‌నెస్ కోసం కట్టుబడి ఉన్నానని చాహల్ వెల్లడించాడు. 35 ఏళ్ల వయసులో కూడా అత్యుత్తమ ప్రదర్శన ఇవ్వాలనే లక్ష్యంతో ఉన్నానని తెలిపిన ఆయనపై ఇప్పుడు వచ్చిన ఈ వీడియో అభిమానులను ఆశ్చర్యానికి గురి చేస్తోంది. మరోవైపు పంజాబ్ కింగ్స్ (Punjab Kings) జట్టు ఈ సీజన్‌లో కీలక మ్యాచ్‌లకు సిద్ధమవుతోంది. ముఖ్యంగా సన్‌రైజర్స్ హైదరాబాద్‌ (Hyderabad)తో మ్యాచ్ ముందు ఇలాంటి వివాదం జట్టుపై ఒత్తిడి పెంచే అవకాశముంది. ఈ సీజన్‌లో ఇప్పటివరకు చాహల్ 3 మ్యాచ్‌ల్లో 3 వికెట్లు సాధించి సాధారణ ప్రదర్శన కనబరుస్తున్నాడు.

ఈ వివాదంపై ఇప్పటివరకు చాహల్ గానీ, పంజాబ్ కింగ్స్ మేనేజ్‌మెంట్ గానీ స్పందించలేదు. వీడియో పాతదా, తాజాదా అన్నదానిపై కూడా స్పష్టత లేదు.ఇక సామాజిక బాధ్యత పరంగా కూడా ఈ అంశం చర్చనీయాంశమైంది. ఒక జాతీయ స్థాయి క్రీడాకారుడు ఇలా బహిరంగ ప్రదేశాల్లో సిగరెట్ ముక్క వేయడం తప్పు అని పలు వర్గాలు అభిప్రాయపడుతున్నాయి. ఒకవేళ వీడియో నిజమని తేలితే చాహల్‌పై చర్యలు తీసుకోవాలన్న డిమాండ్లు వినిపిస్తున్నాయి. వైరల్ వీడియో  చుట్టూ ఉన్న అనుమానాలు, వివాదం మధ్య చాహల్ స్పందన కోసం అభిమానులు ఆసక్తిగా ఎదురుచూస్తున్నారు.

ఇది కూడా చదవండి..: Mukul Chaudhary Innings | ఐపీఎల్‌లో కొత్త సంచలనం ముకుల్ చౌదరి.. అద్భుత ఇన్నింగ్స్‌తో లక్నోకు విజయం, అభినందించిన‌ సంజీవ్ గోయెంకా