అక్షరటుడే, వెబ్డెస్క్: Vishnu Priya | యాంకర్గా కెరీర్ ప్రారంభించి, టెలివిజన్ మరియు సోషల్ మీడియాలో మంచి గుర్తింపు తెచ్చుకున్న విష్ణుప్రియ భీమినేని Vishnu Priya ప్రస్తుతం వివాదంలో చిక్కుకున్నారు. ఇన్స్టాగ్రామ్లో బోల్డ్ కంటెంట్ను ప్రోత్సహిస్తున్నారన్న ఆరోపణలతో ఆమెపై పోలీసులకు ఫిర్యాదు నమోదైంది. విజయవాడ సూర్యారావుపేట సైబర్ క్రైమ్ పోలీస్ స్టేషన్లో ఏఐఎస్ఎఫ్ నేతలు ఫిర్యాదు సమర్పించారు. రాష్ట్ర ఉపాధ్యక్షుడు ఎం. సాయికుమార్ నేతృత్వంలో ఈ ఫిర్యాదు ఇచ్చారు. విష్ణుప్రియపై క్రిమినల్ కేసు నమోదు చేయాలని వారు డిమాండ్ చేశారు.
Vishnu Priya | నేతల ఆందోళన..
ఇన్స్టాగ్రామ్లో Instagram విష్ణుప్రియ అర్ధనగ్న ఫొటోలు, వీడియోలు పోస్టు చేస్తున్నారని ఏఐఎస్ఎఫ్ నేతలు ఆరోపించారు. అంతేకాకుండా, ఈ కంటెంట్ను వీక్షించాలంటే సబ్స్క్రిప్షన్ తీసుకోవాలని ప్రచారం చేస్తున్నారని తెలిపారు. నెలకు సుమారు రూ.399 చెల్లిస్తే మాత్రమే కొన్ని ప్రత్యేక వీడియోలు అందుబాటులో ఉంటాయని పేర్కొన్నారు. సెలబ్రిటీగా ఉన్న వ్యక్తులు ఇటువంటి కంటెంట్ను ప్రోత్సహించడం యువతపై ప్రతికూల ప్రభావం చూపుతుందని నేతలు ఆందోళన వ్యక్తం చేశారు. డబ్బుల కోసం ఇలాంటి మార్గాలు అనుసరించడం సమాజానికి మంచిది కాదని విమర్శించారు.
Vishnu Priya | ఇన్స్టా ఖాతాను వెంటనే బ్లాక్ చేయాలి
ఈ ఫిర్యాదులో ఏఐఎస్ఎఫ్ AISF నేతలు రెండు ముఖ్య డిమాండ్లు చేశారు. విష్ణుప్రియ ఇన్స్టాగ్రామ్ ఖాతాను వెంటనే బ్లాక్ చేయాలి, ఐటీ చట్టం కింద క్రిమినల్ కేసు నమోదు చేసి విచారణ చేపట్టాలి అని అన్నారు. ఇప్పుడు ఈ ఫిర్యాదు విషయం సోషల్ మీడియాలో పెద్ద చర్చకు దారి తీసింది. కొందరు ఆమెను విమర్శిస్తుండగా, మరికొందరు వ్యక్తిగత స్వేచ్ఛగా అభిప్రాయపడుతున్నారు. విష్ణుప్రియ ‘పోవే పోరా’ వంటి షోలతో యాంకర్గా మంచి గుర్తింపు తెచ్చుకున్నారు. తర్వాత యూట్యూబ్ వీడియోలు, డ్యాన్స్ క్లిప్స్ ద్వారా క్రేజ్ పెంచుకున్నారు. అనంతరం రియాలిటీ షోల్లో కూడా పాల్గొని మరింత పాపులర్ అయ్యారు.
ఇది కూడా చదవండి..: Singer Mangli | మరో వివాదంలో సింగర్ మంగ్లీ.. పంజాగుట్ట పీఎస్లో కేసు నమోదు
