Arudra Nakshatra Significance | ఆ‘రుద్ర’ నక్షత్రాన.. శివాభిషేకంతో విశేష ఫలాలు

అక్షరటుడే, వెబ్​డెస్క్​: Arudra Nakshatra Significance | హిందూ క్యాలెండర్ ప్రకారం 27 నక్షత్రాలున్నాయి. ఇందులో ఆరవది ఆరుద్ర. ఈ నక్షత్రాన్ని ఆది దేవుడైన పరమశివుడి జన్మనక్షత్రంగా భావిస్తారు. శుక్రవారం ఆరుద్ర నక్షత్రం సందర్భంగా శివాభిషేకం చేస్తే విశేష ఫలితాలు లభిస్తాయని ఆధ్యాత్మిక వేత్తలు పేర్కొంటున్నారు.

లయకారుడైన శివుడు ఆది(మొదలు), అనాది (అంతం) లేనివాడు. ఆయన కాలానికి అతీతుడు.. స్వయంభువు.. సృష్టికార్యం మొదలవకముందే ఉన్నందున ఆయనను ఆది పురుషుడిగా పేర్కొంటారు. జనన మరణాలు లేని ఆ నీలకంఠుదు.. సృష్టి అంతమైపోయినా అలాగే ఉంటాడన్నది భక్తుల నమ్మకం. అయితే సమస్త సృష్టికి మూలకారకుడైన ఆదిశంకరుడిని భక్తితో ఆరాధించడానికి ఆయనకు జన్మనక్షత్రంగా ఆరుద్రను స్వీకరించారు. ప్రధానంగా దక్షిణ భారతంలో రుద్ర రూపాన్ని సూచించేలా ఉన్నందున ఆరుద్రను శివుడి జన్మ నక్షత్రంగా భావిస్తారు.

Arudra Nakshatra Significance | పురాణ గాధ..

సృష్టి ఆరంభంలో అసమతుల్యత, అహంకారం పెరిగిన సమయంలో పరమశివుడు తీవ్రమైన, భయంకరమైన రుద్ర రూపంలో అవతరించాడు. ఆ రుద్ర రూప ఆవిర్భావ సమయంలో ఆకాశంలో ఆరుద్ర నక్షత్రం ఉంది. దీంతో ఆ నక్షత్రాన్ని శివుని జన్మ స్థానంగా లేదా ఆవిర్భావ స్థానంగా భక్తులు నమ్ముతున్నారు. శివుడు ఆది, అనాది లేనివాడైనా.. రుద్ర రూపాన్ని దాల్చిన రోజున ఉన్న ఆరుద్ర నక్షత్రాన్ని ఆయన జన్మ నక్షత్రంగా భావిస్తున్నారు. ఈ నక్షత్రానికి రుద్రుడే అధిదేవత.

Arudra Nakshatra Significance | ఏం చేయాలంటే..

ఆరుద్ర నక్షత్రం వచ్చిన రోజు (ముఖ్యంగా పౌర్ణమితో కలిసినప్పుడు)ను శివ ముక్కోటిగా పేర్కొంటారు. దీనిని కోటి సోమవారాల ఉపాసన పుణ్యం ఇచ్చే రోజుగా భక్తులు నమ్ముతారు.
ఆరుద్ర నక్షత్రం రోజున ఉపవాసం ఉండి, శివపూజ చేయాలి. నటరాజస్వామిని దర్శించుకోవాలి. ఆ రోజు శివాలయాల్లో ఆర్ద్రోత్సవం(ఆరుద్ర ఉత్సవం)ను ఘనంగా జరుపుతారు. ప్రధానంగా తమిళనాడులో తిరువాతిరై ఉత్సవం జరుపుకుంటారు. పంచామృతాభిషేకం, బిల్వపత్రాలతో పూజలు చేస్తారు. శివాష్టకం, బిల్వాష్టకం, ఓం నమః శివాయ పఠిస్తారు. ఆయా పూజలత సమస్యలు తీరుతాయని, మానసిక శాంతి, ఆధ్యాత్మిక ఉన్నతి లభిస్తాయని భక్తులు విశ్వసిస్తారు. ప్రతి నెలా వచ్చే ఆరుద్ర నక్షత్రం రోజున శివపూజ లేదా శివునికి అభిషేకం చేయించిన వారికి నవగ్రహ దోషాలు తొలగిపోతాయని, అనుకున్న కోరికలు నెరవేరుతాయని నమ్ముతారు.

ఇది కూడా చదవండి..: Kavitha New Party | గద్వాల నుంచే కొత్త పార్టీ..: తెలంగాణ జాగృతి అధ్యక్షురాలు కవిత