అక్షరటుడే, వెబ్డెస్క్: HPV Vaccination Launch | ప్రధాన మంత్రి నరేంద్ర మోదీ (Prime Minister Modi) హెచ్పీవీ వ్యాక్సినేషన్ను ప్రారంభించారు. 14 ఏళ్లు నిండి 15 ఏళ్లలోపు బాలికలకు వ్యాక్సిన్ ఇవ్వనున్నారు. గర్భాశయ ముఖద్వార క్యాన్సర్ అరికట్టేందుకు ఈ వ్యాక్సిన్ తయారు చేశారు. నేటి నుంచి దేశవ్యాప్తంగా బాలికలకు HPV వ్యాక్సినేషన్ కార్యక్రమం సాగనుంది.
HPV Vaccination Launch | రాజస్థాన్లో..
ప్రధానమంత్రి నరేంద్ర మోదీ శనివారం రాజస్థాన్లోని అజ్మీర్లో పర్యటించారు. ఇందులో భాగంగా 14 ఏళ్ల బాలికలకు దేశవ్యాప్తంగా హ్యూమన్ పాపిల్లోమావైరస్ (HPV) టీకా ప్రచారాన్ని ప్రారంభించారు. ఇది గర్భాశయ క్యాన్సర్ (Cervical Cancer)ను నివారించే లక్ష్యంతో తయారు చేశారు. మహిళల్లో క్యాన్సర్ సంబంధిత అనారోగ్యానికి ప్రధాన కారణాలలో ఒకటైన ఈ కార్యక్రమాన్ని లక్ష్యంగా చేసుకుని వ్యాక్సినేషన్ చేపట్టనున్నారు.
HPV Vaccination Launch | అభివృద్ధి పనులకు శంకుస్థాపన
ప్రధాని మోదీ అజ్మీర్ (Ajmer)లో పట్టణాభివృద్ధి, తాగునీరు, రోడ్లు, నీటిపారుదల, పారిశ్రామిక మౌలిక సదుపాయాలు వంటి రంగాలలో రూ.16,680 కోట్లకు పైగా విలువైన అభివృద్ధి ప్రాజెక్టులను ప్రారంభోత్సవం, శంకుస్థాపనలు చేశారు. పలు జాతీయ రహదారులను ప్రారంభించారు. ఇందులో బండికుయ్– జైపూర్ మధ్య నాలుగు లేన్ల గ్రీన్ఫీల్డ్ ఎక్స్ప్రెస్వే, అమృత్సర్-జామ్నగర్ ఎకనామిక్ కారిడార్లోని విభాగాలు, ఢిల్లీ-వడోదర యాక్సెస్-కంట్రోల్డ్ ఎక్స్ప్రెస్వేలోని కొన్ని భాగాలు ఉన్నాయి. జోధ్పూర్ (Jodhpur)లో ఎలివేటెడ్ రోడ్డుకు, రాజస్థాన్లోని రాష్ట్ర రహదారులకు అప్గ్రేడ్లకు శంకుస్థాపన చేశారు.
HPV Vaccination Launch | తాగు నీటికి..
ప్రజలకు సురక్షితమైన తాగు నీరు అందించడానికి ప్రధాని మోదీ నోనెరా మేజర్ డ్రింకింగ్ వాటర్ ప్రాజెక్ట్, పర్వాన్ అకావాద్ మేజర్ డ్రింకింగ్ వాటర్ ప్రాజెక్ట్లకు శంకుస్థాపన చేశారు. రాజస్థాన్ (Rajasthan)లోని వివిధ ప్రభుత్వ విభాగాలు, సంస్థలలో ఉద్యోగాలు సాధించిన 21,800 మందికి నియామక పత్రాలు అందించారు.
ఇది కూడా చదవండి..: Delhi Liquor Case Verdict | మోదీ, అమిత్ షా కుట్ర చేశారు.. కంటతడి పెట్టిన కేజ్రీవాల్
