అక్షరటుడే, వెబ్డెస్క్ : Iran Massive Attacks Warning | పశ్చిమాసియాలో ఉద్రిక్తతలు చల్లారడం లేదు. ఇరాన్ ప్రతీకార దాడులతో గల్ఫ్ దేశాలు (Gulf Countries) అట్టుడికిపోతున్నాయి. మరోవైపు ఈ రోజు పెద్ద ఎత్తున దాడులు చేస్తామని ఇరాన్ హెచ్చరించింది.
అమెరికా, ఇజ్రాయెల్ కలిసి ఇరాన్పై దాడులు చేసిన విషయం తెలిసిందే. ఈ దాడుల్లో ఇరాన్ సుప్రీం లీడర్ ఆయతుల్లా ఖమేనీ చనిపోయారు. దీంతో టెహ్రాన్ ప్రతీకార దాడులకు దిగింది. ఇప్పటికే గల్ఫ్ దేశాల్లోని అమెరికా స్థావరాలపై దాడులు చేస్తోంది. తాజాగా ఎక్స్ వేదికగా పోస్టు పెట్టింది. ఈ రోజు అఖండ శక్తితో దాడిని ప్రారంభిస్తామని పేర్కొంది. బహ్రెయిన్, ఒమన్, సౌదీ అరేబియా, యుఏఈ, టెల్ అవీవ్, కువైట్లపై దాడులు చేస్తామని తెలిపింది. అమెరికన్ స్థావరాలు ఉన్న చోటల్లా దాడులు ఉంటాయని పేర్కొంది. అమెరికన్ స్థావరాల దగ్గరకు వెళ్లవద్దని ప్రజలను కోరింది.
Iran Massive Attacks Warning | డ్రోన్లతో దాడి
దుబాయి (Dubai), బహ్రెయిన్లో మళ్లీ డ్రోన్లతో ఇరాన్ దాడులు చేసింది. జుఫైర్పై , రఫాలోని హమద్ టౌన్లో ఇరాన్ డ్రోన్లతో విరుచుకుపడుతోంది. దీంతో ఆయా దేశాల్లో ఉన్న భారతీయులు ఆందోళన చెందుతున్నారు. . దుబాయి గ్లోబల్ విలేజ్ను ప్రభుత్వం మూసివేసింది. ఆదివారం ఉదయం దుబాయ్, అబుదాబి, ఖతార్లోని దోహా మరియు బహ్రెయిన్ రాజధాని మనామా వంటి నగరాల్లో పేలుళ్లు వినిపించాయి. ఇది గల్ఫ్ ప్రాంతంలో భయం మరియు ఉద్రిక్తతను పెంచింది. ఇరాన్ ఇజ్రాయెల్తో సహా మధ్యప్రాచ్యంలోని తొమ్మిది దేశాలను లక్ష్యంగా చేసుకుంది.
Iran Massive Attacks Warning | భారీగా క్షిపణుల ప్రయోగం
ఇరాన్ శనివారం యూఏఈపై 137 క్షిపణులు, 209 డ్రోన్లను ప్రయోగించింది. అబుదాబి విమానాశ్రయం (Abu Dhabi Airport)లో ఒకరు మరణించగా, మరో ఏడుగురు గాయపడ్డారు. ఇరాన్ తమ దేశంపై 65 క్షిపణులు, 12 డ్రోన్లను ప్రయోగించిందని ఖతార్ అధికారులు తెలిపారు. కాగా నేడు భారీ దాడులు చేస్తామని ఇరాన్ హెచ్చరికల నేపథ్యంలో ఆయా దేశాలు అప్రమత్తం అయ్యయి.
దీనిని కూడా చదవండి : Iran Acting Supreme Leader | ఇరాన్ తాత్కాలిక సుప్రీం లీడర్గా ఆయతుల్లా అరాఫీ
