అక్షరటుడే, వెబ్డెస్క్: Mahindra XUV 9E CineLux | మహీంద్రా అండ్ మహీంద్రా (Mahindra) తన ప్రతిష్టాత్మక ‘ఎలక్ట్రిక్ ఆరిజిన్’ ఎస్యూవీలో ప్రత్యేకమైన ‘ఎక్స్ఈవీ 9ఇ సినీలక్స్ ఎడిషన్’ను విడుదల చేసింది. లగ్జరీని అడ్వాన్స్డ్ టెక్నాలజీతో మిళితం చేస్తూ రూపొందించిన ఈ ఎడిషన్.. అత్యున్నత స్థాయి సౌకర్యాన్ని, అద్భుతమైన అనుభూతిని అందిస్తుందని భావిస్తున్నారు.
ప్రత్యేకమైన ఫినిషింగ్, ప్రీమియం ఇంటీరియర్స్, హైఎండ్ ఫీచర్లతో కూడిన ఈ ఎడిషన్.. స్టాండర్డ్ ఎక్స్ఈవీ 9ఇ శక్తివంతమైన పనితీరు, రేంజ్ను కొనసాగిస్తూనే మరింత విలాసవంతమైన డ్రైవింగ్ అనుభవాన్ని అందిస్తుందని కంపెనీ పేర్కొంది. ఈ కారు బుకింగ్స్ మార్చి 2న ప్రారంభమయ్యాయి. మార్చి 10 నుంచి డెలివరీ ప్రారంభిస్తామని కంపెనీ తెలిపింది. ఫీచర్లు ఇలా ఉన్నాయి.
Mahindra XUV 9E CineLux | ఇంటీరియర్ ఫీచర్స్..
మహీంద్రా ఎక్స్ఈవీ 9ఇ సినీలక్స్ ఎడిషన్ లోపలి భాగం చెస్ట్నట్ బ్రౌన్, నోక్టర్న్ బ్లాక్ రంగుల స్మూత్ గ్రెయిన్ లెదరెట్ ఫినిషింగ్తో విలాసవంతమైన లాంజ్ లాగా అనిపిస్తుంది.
డిస్ప్లే : డ్యాష్బోర్డ్ అంతటా విస్తరించి ఉన్న ‘కోస్ట్ టు కోస్ట్’ ట్రిపుల్ హెచ్డీ డిస్ప్లే ప్రధాన ఆకర్షణగా నిలుస్తుంది.
ఆడియో : డాల్బీ అట్మాస్ సౌకర్యం గల 16 స్పీకర్ల హర్మాన్ కార్డాన్ ఆడియో సిస్టమ్ అద్భుతమైన సౌండ్ అనుభవాన్ని ఇస్తుంది.
లైటింగ్ : ఇన్ఫినిటీ రూఫ్, యాంబియంట్ లైటింగ్ సిస్టమ్ ఉన్నాయి.
Mahindra XUV 9E CineLux | కలర్ వేరియంట్స్..
శాటిన్ బ్లాక్, శాటిన్ వైట్ రంగుల్లో లభిస్తుంది. ఈ ఫినిషింగ్లు ఈ ఎలక్ట్రిక్ ఎస్యూవీకి మరింత ప్రీమియం రూపాన్ని ఇచ్చాయి.రెండు ఇంటీరియర్ థీమ్స్ పొందుతుంది. ఇది టాప్ స్పెక్ ప్యాక్ త్రీ వేరియంట్లోని దాదాపు అన్ని ఫీచర్స్ పొందుతుంది.
Mahindra XUV 9E CineLux | టెక్నాలజీ ఫీచర్లు..
ప్యాక్ త్రీ వేరియంట్ నుంచి ప్రేరణ పొందిన ఈ ఎడిషన్లో ‘స్ట్రైట్ అహెడ్ విజన్ ఎక్స్’ (ఏఆర్ హెడ్స్ అప్ డిస్ప్లే), ఐడెంటిటీ (డ్రైవర్, ప్యాసింజర్ మానిటరింగ్), హ్యాండ్స్ ఫ్రీ పార్క్ అసిస్ట్, 360 డిగ్రీల కెమెరా అండ్ ఆటో పార్క్ అసిస్ట్తో ఏడీఏఎస్ మొదలైన సౌకర్యాలు ఈ కారులో ఉన్నాయి. వీటితో పాటు క్యాంప్, కీప్, పాపాల్ హెచ్వీఏసీ మోడ్లు, డిజిటల్ కీ, పర్సనలైజ్డ్ యూజర్ ప్రొఫైల్స్ వంటి ఆధునిక సౌకర్యాలున్నాయి.
బ్యాటరీ : సినీలక్స్ ఎడిషన్ 79 కిలోవాట్ అవర్ బ్యాటరీ ప్యాక్తో వస్తుంది. ఇది గరిష్టంగా 500 కి.మీ. రేంజ్ను అందిస్తుంది. 282 బీహెచ్పీ, 380 ఎన్ఎమ్ టార్క్ ఉత్పత్తి చేసే ఎలక్ట్రిక్ మోటారుకు శక్తినిస్తుంది. కాబట్టి పనితీరు కూడా బాగుంటుందని భావిస్తున్నారు.
ఇది కూడా చదవండి..: Gold Silver Prices | అమెరికా–ఇరాన్ ఉద్రిక్తతల ప్రభావం.. ఆకాశాన్నంటుతున్న బంగారం, వెండి ధరలు
