అక్షరటుడే, వెబ్డెస్క్ : Rahul Gandhi on Modi | అమెరికా అధ్యక్షుడు డోనాల్డ్ ట్రంప్ (Donald Trump)కు ప్రధాని మోదీ భయపడుతున్నారని లోక్సభ ప్రతిపక్ష నేత రాహుల్ గాంధీ అన్నారు. వికారాబాద్ (Vikarabad) జిల్లాలో జరిగిన డీసీసీల శిక్షణ తరగతుల ముగింపు కార్యక్రమంలో ఆయన మాట్లాడారు.
రాహుల్గాంధీ సోమవారం ఉదయం తెలంగాణకు వచ్చారు. ఎయిర్పోర్టులో ఆయనకు సీఎం రేవంత్రెడ్డి (CM Revanth Reddy) ఘన స్వాగతం పలికారు. అనంతరం రాహుల్ గాంధీ రాష్ట్ర నేతలతో కలిసి వికారాబాద్ వెళ్లారు. అక్కడ డీసీసీ(DCC)ల శిక్షణ సమావేశంలో మాట్లాడారు. అహింస కాంగ్రెస్ విధానమని, హింస బీజేపీ విధానమన్నారు. ఎలాగైనా అధికారంలోకి రావాలనేది బీజేపీ ఆలోచన అని ఆరోపించారు. ప్రజలను మెప్పించి అధికారంలోకి రావాలని కాంగ్రెస్ ఆలోచిస్తోందన్నారు.
Rahul Gandhi on Modi | బీసీ రిజర్వేషన్ల కోసం బిల్లు
తెలంగాణలో బీసీ రిజర్వేషన్ల (BC Reservations) పెంపు కోసం పార్లమెంట్లో ప్రైవేట్ బిల్లు పెడతామని రాహుల్ అన్నారు. బీజేపీ ప్రభుత్వ దుర్మార్గాలను తాను బయటపెడుతున్నానని, కాంగ్రెస్ శ్రేణులు వాటిని ప్రజల్లోకి తీసుకెళ్లాలని సూచించారు. ప్రధాని మోదీ అనుసరిస్తున్న విదేశాంగా విధానం సక్రమంగా లేదని విమర్శించారు.
Rahul Gandhi on Modi | ప్రధానిని చేయడమే లక్ష్యం
రాహుల్ గాంధీని ప్రధానిని చేయడమే లక్ష్యమని సీఎం రేవంత్రెడ్డి అన్నారు. దేశం కోసం, ప్రజల కోసం రాహుల్ ప్రధాని కావాలన్నారు. దేశంలో అనేక సమస్యలపై ఆయన పోరాటం చేశారని పేర్కొన్నారు. తాను ప్రజా జీవితంలో ఎప్పుడూ పైరవీలు చేయలేదని పేర్కొన్నారు. ప్రజా సమస్యలపై గళం వినిపించానని, తనపై అనేక కేసులు పెట్టారన్నారు. ఈ కార్యక్రమంలో కేసీ వేణు గోపాల్, మీనాక్షి నటరాజన్, పీసీసీ చీఫ్ మహేష్ గౌడ్, మాజీ ఎంపీ వీహెచ్, రాష్ట్ర మహిళా కాంగ్రెస్ అధ్యక్షురాలు సునీతారావు తదితరులు పాల్గొన్నారు.
