అక్షరటుడే, హైదరాబాద్: Vijay Deverakonda Scholarships | టాలీవుడ్ నటుడు Vijay Deverakonda సామాజిక బాధ్యతను చాటిచెప్పే కీలక నిర్ణయం తీసుకున్నారు. తాను పెరిగిన ప్రాంతానికి ఏదైనా చేయాలనే ఆలోచనతో Deverakonda Foundation ద్వారా నాగర్ కర్నూల్ జిల్లా అచ్చంపేట నియోజకవర్గంలోని ప్రభుత్వ పాఠశాల విద్యార్థులకు ఈ ఏడాది నుంచి స్కాలర్షిప్లు అందజేయనున్నట్లు ప్రకటించారు.
Vijay Deverakonda Scholarships | సర్కారు బడుల్లో..
“పెళ్లి చేసుకుని, ఓ ఇంటి వాడినయ్యాక మన ఊరికి ఏదైనా చేయాలనే ఆలోచన కలిగింది. అక్కడి పిల్లలు మంచి విద్యతో భవిష్యత్తు తీర్చిదిద్దుకోవాలని కోరుకుంటున్నాను..” అని విజయ్ దేవరకొండ అన్నారు.
అచ్చంపేట నియోజకవర్గ పరిధిలోని మొత్తం 44 ప్రభుత్వ పాఠశాలు ఉన్నాయి. వీటిల్లో చదువుతున్న 9వ, 10వ తరగతి విద్యార్థులను ఈ పథకం కింద ఎంపిక చేయాలని భావిస్తున్నారు. ఆర్థికంగా వెనుకబడిన, ప్రతిభ కలిగిన విద్యార్థులకు ఆర్థిక సహాయం అందించి, వారి విద్యాభ్యాసానికి తోడ్పడం ద్వారా బంగారు భవిష్యత్తు అందించాలనేదే ఈ కార్యక్రమం ప్రధాన ఉద్దేశమని ఫౌండేషన్ ప్రతినిధులు వెల్లడించారు.
Vijay Deverakonda Scholarships | పారదర్శకంగా ఎంపిక..
గ్రామీణ ప్రాంతాల్లోని విద్యార్థులకు సరైన అవకాశాలు కల్పిస్తే.. ఉన్నత స్థాయికి ఎదగగలరనే నమ్మకంతో ఈ ఉపకార వేతనాల కార్యక్రమాన్ని ప్రారంభిస్తున్నట్లు తెలిపారు. స్కాలర్షిప్ల ఎంపిక ప్రక్రియ పారదర్శకంగా జరిగేందుకు అన్ని రకాల చర్యలు తీసుకుంటామని, భవిష్యత్తులో ఈ ఉపకార వేతనాల కార్యక్రమాన్ని మరింత విస్తరించే ప్రణాళిక ఉందని వివరించారు.
