అక్షరటుడే, వెబ్డెస్క్: Electric Scooter Sales | దేశంలో ఎలక్ట్రిక్ స్కూటర్ల మార్కెట్ విస్తరిస్తోంది. ప్రతినెలా వాహనాల విక్రయాలు పెరుగుతున్నాయి. ఒకప్పుడు చిన్నచిన్న కంపెనీలదే ఆధిపత్యం కాగా.. సంప్రదాయ ద్విచక్ర వాహన కంపెనీల రంగ ప్రవేశంతో పరిస్థితి మారిపోయింది. ప్రస్తుతం టీవీఎస్, బజాజ్, హీరో వంటి కంపెనీలు టాప్ ఫైవ్లో ఉన్నాయి.
Electric Scooter Sales | ఫిబ్రవరి సేల్స్ డాటా..
ఫిబ్రవరి నెలలో మొత్తం 1,11,680 యూనిట్ల ఎలక్ట్రిక్ స్కూటర్లు అమ్ముడయ్యాయి. ఇది గతేడాది ఇదే నెలతో పోలిస్తే 46 శాతం అధికం. ఇందులో ప్రముఖ విద్యుత్ ద్విచక్ర వాహన తయారీ సంస్థ టీవీఎస్ మోటర్స్ అగ్రస్థానంలో నిలిచింది. ఆ కంపెనీ ఫిబ్రవరిలో 31,600 యూనిట్లను విక్రయించింది. గతేడాది ఇదే సమయంతో పోలిస్తే 67 శాతం వృద్ధిని నమోదు చేసింది. బజాజ్ చెతక్ రెండో స్థానంలో కొనసాగుతోంది. ఈ సంస్థ 25,323 యూనిట్లను విక్రయించింది. చేతక్ విక్రయాలు గతేడాదితో పోలిస్తే 17 శాతం పెరిగాయి. ప్రముఖ ఎలక్ట్రిక్ స్కూటర్ల తయారీ సంస్థ ఏథర్ ఎనర్జీ మూడో స్థానాన్ని ఆక్రమించింది. ఈ కంపెనీ గతనెలలో 20,581 స్కూటర్లను అమ్మింది. గతేడాదితో పోలిస్తే 72 శాతం వృద్ధిని నమోదు చేసింది.
Electric Scooter Sales | 364 శాతం వృద్ధి..
హీరో మోటోకార్ప్ ఫిబ్రవరిలో 12,512 యూనిట్లతో నాలుగో స్థానంలో ఉంది. ఈ కంపెనీ గతేడాదితో పోలిస్తే 364 శాతం వృద్ధిని నమోదు చేయడం గమనార్హం. 4,725 యూనిట్లతో గ్రీవ్స్ కాటన్ లిమిటెడ్ అనుబంధ సంస్థ గ్రీవ్స్ ఎలక్ట్రిక్ మొబిలిటీ ఐదో స్థానంలో ఉంది. ఈ కంపెనీ యాంపియర్ పేరిట ఎలక్ట్రిక్ స్కూటీలను విక్రయిస్తోంది. గతేడాదితో పోలిస్తే 27 శాతం వృద్ధిని కనబరిచిన ఈ కంపెనీ మొదటిసారి టాప్ ఫైవ్లో చోటు దక్కించుకుంది.
Electric Scooter Sales | ఆరో స్థానానికి పడిపోయిన ఓలా..
ఒకప్పుడు దేశీయ ఈవీ మార్కెట్లో అగ్రస్థానంలో ఉన్న ఓలా ఎలక్ట్రిక్ సంస్థ మార్కెట్ షేర్ను ప్రతినెలా కోల్పోతోంది. ఈసారి ఏకంగా టాప్ -5 కంపెనీల జాబితానుంచి బయటికి వచ్చింది. ఫిబ్రవరిలో 3,968 యూనిట్లు మాత్రమే అమ్మి ఆరో స్థానంలో నిలిచింది. జనవరి నెలతో పోల్చితే వాల్యూమ్స్ 47 శాతం తగ్గింది. 2024లో దేశీయ ఎలక్ట్రిక్ స్కూటర్ల మార్కెట్లో 35 శాతంగా ఉన్న ఓలా వాటా.. గతనెలలో 3.55 శాతానికి పడిపోవడం గమనార్హం. ఈవీ స్కూటర్ల విక్రయాలలో ఆరో స్థానంలో ఓలా ఉండగా.. బిగాస్, రివర్ మొబిలిటీ, ఇ-స్ప్రింటో, ప్యూర్ ఈవీ కంపెనీలు తర్వాతి స్థానాలలో ఉన్నాయి.
ఇది కూడా చదవండి..: IQOO 15R 5G | శక్తిమంతమైన ప్రాసెసర్తో ఐక్యూ ఫోన్.. ఆ కార్డులతో రూ. 4 వేల వరకు తగ్గింపు
